+7 (701) 759 90 19
-13 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلباسىنىڭ توراعالىعىمەن «سامۇرىق- قازىنانى» باسقارۋ كەڭەسىنىڭ وتىرىسى ءوتتى

14 قاراشا 21:47
:ءبولىسۋ
ەلباسىنىڭ توراعالىعىمەن «سامۇرىق- قازىنانى» باسقارۋ كەڭەسىنىڭ وتىرىسى ءوتتى

نۇر- سۇلتان. قازاقپارات - قازاقستاننىڭ تۇڭعىش پرەزيدەنتىنىڭ توراعالىعىمەن «سامۇرىق- قازىنا» ۇلتتىق ءال- اۋقات قورىن باسقارۋ جونىندەگى كەڭەستىڭ وتىرىسى ءوتتى. بۇل تۋرالى Elbasy سايتى حابارلايدى.

وتىرىس بارىسىندا وسى جىلدىڭ مامىر ايىندا وتكەن كەڭەستە بەرىلگەن تاپسىرمالاردىڭ ورىندالۋ بارىسى قارالدى.

«سامۇرىق- قازىنا» قورى ەلىمىزدىڭ ۇلتتىق ەكونوميكاسىندا ەرەكشە ءرول اتقارادى. قوردىڭ الدىندا ۇلكەن مىندەتتەر تۇر. بيىلدىققا بۇل كەڭەستىڭ ەكىنشى وتىرىسى»، - دەدى ەلباسى.


كەڭەستە «سامۇرىق- قازىنا» ۇ ءا ق» ا ق باسقارما ءتوراعاسى ا. ەسىموۆ، «ق ت ج» ۇ ك» ا ق باسقارما ءتوراعاسى س. مىڭبايەۆ، «قازمۇنايگاز» ۇ ك» ا ق باسقارما ءتوراعاسى ا. ايداربايەۆ، «قازاتوم ونەركاسىپ» ۇ ءا ك» ا ق باسقارما ءتوراعاسى گ. پيرماتوۆ بايانداما جاسادى.

ۇسىنىلعان اقپاراتتى تىڭداي كەلە، نۇرسۇلتان نازاربايەۆ قور باسشىلىعى جۇيەلى ماسەلەلەردى شەشىپ، وندىرىستىك كورسەتكىشتەر مەن ينديكاتورلاردىڭ وڭ ديناميكاسىنا قول جەتكىزگەنىن اتاپ ءوتتى.

«بىلتىر قوردىڭ تازا كىرىسى 2017 - جىلعى دەڭگەيمەن سالىستىرعاندا 88 پايىزعا ارتتى. بيىل تاعى 40 پايىز ءوسىمدى بايقاپ وتىرمىز. وسى جىلعى 9 ايدىڭ كورسەتكىشى بىلتىرعى ءبىر جىلدىق كورسەتكىشتەن جوعارى. بۇل جاقسى ديناميكا. اكىمشىلىك جانە باسقا دا ءتيىمسىز شىعىنداردى جۇيەلى تۇردە ازايتىپ جاتىرسىزدار. مۇنىڭ بارلىعى قۇپتارلىق جۇمىس»، - دەدى قازاقستاننىڭ تۇڭعىش پرەزيدەنتى.

ەلباسى بىرلەسكەن كاسىپورىندارداعى مەملەكەتتىك ۇلەستەردى ءتيىمدى باسقارۋدى قامتاماسىز ەتۋدىڭ ماڭىزدىلىعىنا توقتالدى.

«قور 268 ميلليارد تەڭگە تازا اقشالاي كىرىس ءتۇسىرىپ، مەملەكەتكە 70 پايىزىن، ياعني 190 ميلليارد تەڭگە اكەلدى. بۇل وتكەن جىلعى كورسەتكىشتەن 2 ەسە كوپ. سونداي- اق، اقشالاي تۇردە ديۆيدەندتەر مولشەرى 5 ەسە ءوستى. مۇنىمەن شەكتەلىپ قالماي، وسى باعىتتاعى جۇمىستى جالعاستىرعان ءجون»، - دەدى نۇرسۇلتان نازاربايەۆ.

سونىمەن بىرگە، قازاقستاننىڭ تۇڭعىش پرەزيدەنتى مۇناي- گاز جانە حيميا ونەركاسىبى سالالارىنداعى ءتيىمسىز ۋچاسكەلەردەگى ءوندىرىستى ىنتالاندىرۋدىڭ جاڭا تەتىكتەرىن ەنگىزۋ ناتيجەلىگىنە نازار اۋداردى.

«جاڭا تەتىكتەردى ەنگىزۋ ارقىلى ءوندىرىس كولەمىن ۇلعايتۋ مەن الەۋمەتتىك ماسەلەلەردى شەشۋدەن باستاپ، قاجەتتى قورلار ۇلەسىن ۇلعايتۋعا دەيىنگى كەشەندى مىندەتتەر شەشىلۋدە. ۇكىمەت بۇل تاسىلدەردى زەرتتەپ، قولداۋ كورسەتۋى قاجەت»، - دەدى ەلباسى.

سونداي- اق، وتىرىس بارىسىندا قور كومپانيالارىنىڭ IPO- عا شىعۋى جانە ساتىپ الۋلاردىڭ تيىمدىلىگىن قامتاماسىز ەتۋ ماسەلەلەرى تالقىلاندى.

«ءبىر كوزدەن ساتىپ الۋ شامامەن 1,5 ەسە قىسقاردى جانە باسەكەگە قابىلەتتى ساتىپ الۋ كولەمى 4 ەسە ءوستى. ناتيجەسىندە ۇنەمدىلىك تە ارتتى. بۇگىنگى كۇنى ۇنەمدەلگەن قاراجاتتىڭ كولەمى 130 ميلليارد تەڭگەدەن اسادى»، - دەدى نۇرسۇلتان نازاربايەۆ.

نۇرسۇلتان نازاربايەۆ «سامۇرىق- قازىنا» اق- نىڭ 2018-2028 -جىلدارعا ارنالعان دامۋ ستراتەگياسىن ىسكە اسىرۋدىڭ وڭ ناتيجەلەرىن اتاپ ءوتىپ، قور كومپانيالارىنىڭ قارجىلىق جاعدايىن جاقسارتۋعا جانە جەكەشەلەندىرۋ جوسپارىن ودان ءارى ىسكە اسىرۋعا باعىتتالعان ۇسىنىستاردى قاراستىرۋدىڭ ماڭىزدىلىعىن اتاپ ءوتتى.

«سامۇرىق- قازىنا» - ۇلتتىق ءال- اۋقات قورى. سوندىقتان ءبىز باسقارۋ كەڭەسى مەن ديرەكتورلار كەڭەسى رەتىندە تۇرعىندار مەن بيزنەس وكىلدەرى تاراپىنان قور قىزمەتىنە دەگەن سەنىمدى ارتتىرۋ ماقساتىندا جۇيەلى جۇمىستار جۇرگىزۋىمىز قاجەت. ازاماتتار مۇنىڭ ءبارى قازاقستانعا جانە ءبىزدىڭ حالقىمىزعا تيەسىلى ەكەنىن ءتۇسىنۋى كەرەك، - دەپ قورىتىندىلادى ەلباسى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات