+7 (701) 759 90 19
-17 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

تۇركياداعى كينوفەستيۆالدىڭ اشىلۋىندا «توميريس» فيلمى كورسەتىلەدى

14 قاراشا 21:14
:ءبولىسۋ
تۇركياداعى كينوفەستيۆالدىڭ اشىلۋىندا «توميريس» فيلمى كورسەتىلەدى

نۇر-سۇلتان. قازاقپارات –  رەجيسسەر اقان ساتايەۆتىڭ «توميريس» فيلمى تۇركيانىڭ مالاتيا قالاسىندا 15-19 - قاراشا ارالىعىندا وتەتىن 9- حالىقارالىق Malatya كينوفەستيۆالىنىڭ اشىلۋ سالتاناتىندا كورسەتىلەدى، دەپ حابارلادى قازاق فيلم.

سونىمەن قاتار بۇل فەستيۆالدە اداي ءابىلدينوۆتىڭ «كۇلتەگىن» تولىقمەتراجدى انيماتسيالىق فيلمى ۇسىنىلادى. بۇل تۋىندىلاردى ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» كينوستۋدياسى تۇسىرگەن.

«توميريس» فيلمىنىڭ وندىرىسىنە Sataifilm كومپانياسى قاتىستى. حالىقارالىق Malatya كينوفەستيۆالى تۇركيانىڭ مادەنيەت مينيسترلىگى جانە مالاتيا قالاسىنىڭ باسشىلىعى قولداۋىمەن ۇيىمداستىرىلعان. مادەني ءىس- شارانىڭ ماقساتى - الەمنىڭ كاسىبي كينوگەرلەرىن ءبىر الاڭدا جيناۋ. بيىل فەستيۆال بارىسىندا نەگىزى جانە كونكۋرستان تىس باعدارلامالاردىڭ كورسەتىلىمدەرى ۇيىمداستىرىلىپ، شەبەرلىك ساعاتتار وتكىزىلەدى.

اقان ساتايەۆتىڭ «توميريس» فيلمى ءبىزدىڭ زامانىمىزعا دەيىنگى VI عاسىردا بولعان وقيعانى سۋرەتتەيدى. فيلمدە كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن ءوز بيلىگى استىندا بىرىكتىرگەن ۇلى دالانىڭ اتى اڭىزعا اينالعان توميريس پاتشايىمىنىڭ تاعدىرى باياندالادى. ول ماحاببات پەن ءوز حالقىنىڭ تاۋەلسىزدىگى ءۇشىن سول زامانداعى ەڭ قيامەتتى سوعىستا پارسى يمپەرياسىنىڭ پاتشاسى كيرمەن شايقاسادى.

ال «كۇلتەگىن» تاريحي انيماتسيالىق تۋىندى كوشپەندى حالىقتاردىڭ باسىن بىرىكتىرىپ، كوشپەندىلەردىڭ ءداستۇرىن جالعاستىرعان تۇرىك قاعاناتىنىڭ داڭقتى اسكەري قولباسشىسى كۇلتەگىننىڭ بالالىق شاعى تۋرالى باياندايدى.

www.24.kz


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات