رەكوردتىق باعاعا ساتىلعان ساعات
بۇل ساعات - Grandmaster Chime 6300A-010 جەنيەۆادا وتكەن Only Watch اتتى قايرىمدىلىق ءباسساۋداسى ءۇشىن ارنايى جاسالعان. ساعات 2017 -جىلعى ەڭ قىمبات ساتىلعان ساعاتتىڭ رەكوردتىن جاڭالاعان. سول كەزدە اكتەر پول نيۋماننىڭ ساعاتى Rolex Daytona 17,8 ميلليون دوللارعا ساتىلعان ەدى. جينالعان اقشا ديۋشەن بۇلشىقەت ديستروفياسى اۋرۋىن زەرتتەۋ ءۇشىن جۇمسالادى. اتالعان ساعات 20 فۋنكسيامەن جابدىقتالعان، ولاردىڭ ەكەۋى العاش رەت ەنگىزىلگەن. اتاپ ايتقاندا، ساعاتتاردا ەكى ءنومىرلى كورپۋس بار، ولاردىڭ ءبىرى قىزعىلت التىننان، ەكىنشىسى قارا اعاشتان جاسالعان. اۋكتسيونعا دەيىن ساعات 3 ميلليون شۆەيتسارلىق فرانكىنە باعالانعان. ءبىراق سوڭعى باعا كۇتكەندەگىدەن 10 ەسە ارتىق بولدى. كريستيدىڭ اۋكسيون ۇيىندەگى ساعاتتار جەتەكشىسى سابينا كەگەلدىڭ ايتۋىنشا، «بۇل ساعات تاريحتاعى ەڭ كۇردەلى ساعات جانە كوفە دايىنداۋدان باسقا بارلىق جۇمىستى اتقارا الادى» ەكەن.
اۋكسيون سونىمەن بىرگە فرانسۋا- پول جۋرننىڭ ساعاتى 1,8 ميلليون فرانككە، ال Audemars Piguet ساعاتى 1 ميلليون فرانككە ساتىلعان. ءباسساۋدادان جالپى، 38,5 ميلليون فرانك جينالعان. Only Watch قايىرىمدىلىق اۋكسيونى ەكى جىلدا ءبىر وتكىزىلىپ تۇرادى جانە تۇسكەن قاراجات ديۋشەن بۇلشىقەت ديستروفياسى اۋرۋىن زەرتتەۋ ءۇشىن جۇمسالادى. ستاتيستيكاعا سۇيەنسەك، الەمدەگى ءاربىر 3500 بالانىڭ بىرەۋى وسى اۋرۋمەن اۋىرادى.
Massaget.kz