19:30, 14 - قاراشا 2019 | GMT +6
قازاقستانداعى جۇرگىزۋشى كۋالىگىنىڭ جاڭا ۇلگىسى جاريالاندى
نۇر- سۇلتان. قازاقپارات - قازاقستاندا جۇرگىزۋشى كۋالىگى مەن كولىك قۇرالىن تىركەۋ تۋرالى كۋالىكتىڭ جاڭا نۇسقاسى بەكىتىلدى، دەپ حابارلايدى قازاقپارات.
قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ اقپاراتتىق- قۇقىقتىق جۇيەسىندە ق ر ىشكى ىستەر ءمينيسترىنىڭ 2019 -جىلعى 2 - قاراشاداعى № 953 بۇيرىعى جاريالاندى.
قابىلدانعان قۇجات مالىمەتتەرىنە قاراعاندا، جۇرگىزۋشى كۋالىگىندە ەلەۋلى وزگەرىستەر ورىن الماعان، تەك ينتەگرالدىق چيپ (ميكروسىزبا) بەتكى جاعىنان سىرتقى جاعىنا قاراي اۋىستىرىلعان.
بۇدان بولەك، قازاقستان رەسپۋبليكاسىنىڭ كولىك قۇرالىن تىركەۋ تۋرالى كۋالىكتىڭ جاڭا ۇلگىسىندە ايتارلىقتاي وزگەرىستەر بولعان.
قۇجاتتىڭ بەتكى جاعىندا كولىك قۇرالى تۋرالى جانە ونىڭ يەسى تۋرالى مالىمەتتەر جازىلعان. ال كۋالىكتىڭ سىرتقى جاعىندا مالىمەتتەردى ەنگىزۋ ءۇشىن ارنايى چيپ ورناتىلاتىن بولادى.