ەلوردا اكىمدىگى مەكتەپتە دەمالۋ بولمەسىن جاساعان ديرەكتورلاردى سىنعا الدى

نۇر- سۇلتان. قازاقپارات - ەلوردا اكىمىنىڭ ورىنباسارى باقتيار ماكەن مەملەكەتتىك جالپى ءبىلىم بەرۋ مەكەمەلەرىندەگى بوس اۋماقتاردى وڭتايلاندىرۋ قاجەتتىگىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا نۇر- سۇلتاندا 109 مەكتەپ جۇمىس ىستەيدى، ونىڭ 88- ءى  جالپى ءبىلىم بەرەتىن مەملەكەتتىك مەكتەپتەر. ەرەجەگە سايكەس، مەكتەپ ديرەكتورى كابينەتىنىڭ اۋماعى 32 شارشى مەتر بولۋى ءتيىس. الايدا، كەي مەكتەپتەردى تەكسەرگەندە، بۇل ءنورماتيۆتى ەكى ەسەگە اسىرىپ جىبەرگەنى بەلگىلى بولدى. ءۇش مەكتەپكە ارنايى كوميسسيا بارىپ، وسى فاكتىلەردى انىقتادى. ودان بولەك، باسشىلار اۋقىمدى ورىن الاتىن دەمالۋ بولمەسى مەن جەكە دارەتحانا جاساپ قويعان»، - دەدى ب. ماكەن ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ پەن قالا اكىمى التاي كولگىنوۆتىڭ كەزدەسۋىندە.

سپيكەر ەلوردادا حالىقتىڭ جىلدان- جىلعا ارتىپ، ءبىلىم بەرۋ مەكەمەلەرىندە ورىن جەتپەي جاتقانىن اتاپ ءوتتى.

«حالىقارالىق تاجىريبەگە سۇيەنسەك، ديرەكتورلار كابينەتى 20 شارشى مەتردەن اسپايدى. اتاپ ايتقاندا، بىرىككەن اراب امىرلىكتەرىندە 20 شارشى مەتر، امەريكا قۇراما شتاتتارىندا - 15 شارشى مەتردەن اسپايدى. وسىعان بايلانىستى، بارلىق جالپى ءبىلىم بەرەتىن مەملەكەتتىك مەكتەپتەردىڭ بوس اۋماقتارىن وڭتايلاندىرۋ قاجەتتىگى تۋىندايدى. بوساعان ورىندار وقۋشىلارعا قولايلىراق جاعداي جاساۋعا مۇمكىندىك بەرەدى»، - دەدى اكىمنىڭ ورىنباسارى.

سونداي-اق ، ەلوردا اكىمىنىڭ ورىنباسارى باقتيار ماكەن 15-20 -جىل ءبىر لاۋازىمدا وتىراتىن مەكتەپ ديرەكتورلارى تۋرالى ايتىپ بەردى.

«قازىر ارنايى مونيتورينگ جۇرگىزىپ جاتىرمىز. وندا مەكتەپ باسشىلارىنىڭ كوپشىلىگىنىڭ 5 جىلدان ارتىق ءبىر قىزمەتتە وتىرعانىن انىقتادىق. كەيبىرى 15، 17، 20  جىل بويى قىزمەت اۋىستىرماعان. ءبىر مەكەمەنىڭ باسشىلىق قىزمەتىندە ۇزاق جۇمىس ىستەۋى بەيرەسمي بايلانىستاردىڭ نىعايتىپ، باسشىنىڭ بەلسەندىلىگىن تومەندەتىپ، سىبايلاستىق سىن- قاتەر قاۋپىن تۋدىرادى»، - دەدى ب. ماكەن ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ پەن قالا اكىمى التاي كولگىنوۆتىڭ كەزدەسۋىندە.

وسىعان بايلانىستى، اكىم ورىنباسارى مەكتەپ ديرەكتورلارىن اۋىستىرۋدى ۇسىندى.

«مەملەكەتتىك قىزمەتتەگى وڭ تاجىريبەسى بويىنشا، قالا باسشىلىعىنا جالپى ءبىلىم بەرەتىن مەكەمەلەردىڭ باسشىلارىنا پيلوتتىق روتاتسيا جۇرگىزۋ ۇسىنىلدى»، - دەدى اكىم ورىنباسارى.

اۆتور ايجان سەرىكجان قىزى