جامبىل وبلىسىنداعى ەڭ بيىك ەسكەرتكىش ورناتىلۋدا

تاراز. قازاقپارات -  ۆيتسە - پرەمەر بەردىبەك ساپاربايەۆ وبلىسىمىزعا جۇمىس ساپارى بارىسىندا «تەكتۇرماس» ەتنو- تاريحي كەشەنىنىڭ جاي- كۇيىمەن تانىستى، دەپ حابارلايدى قازاقپارات.

قازىرگى تاڭدا جالپى اۋماعى 20 گەكتاردان اساتىن كەشەندە بيىكتىگى 22 مەتردى قۇرايتىن اۋليەتا ەسكەرتكىشىنىڭ تۇعىرتاسى قالانۋدا. بۇل وڭىردەگى ەڭ بيىك، ەسكەرتكىش بولماق.

بۇگىندە قۇرىلىس باسىندا 100گە جۋىق جۇمىسشى، 10نان استام تەحنيكا جۇمىس ىستەپ جاتىر. جالپى، ەسكەرتكىش ورنالاساتىن تۇعىرتاستىڭ بيىكتىگى - 8 مەتر، بيىكتىگى - 14 مەتردى قۇرايدى. ەسكەرتكىش بيىك قىردىڭ باسىندا ورنالاسقان. قىردىڭ ەتەگىندەگى كىرە بەرىسىندە اركا، ارنايى تاماشالاۋ الاڭى، ەسكەرتكىشكە كوتەرىلەتىن باسپالداق بولادى. جانىندا تالاس وزەنى اعىپ جاتىر. وزەننىڭ ۇستىندەگى كوپىردىڭ ەكى جاعىندا بيىكتىگى 4 مەتر بولاتىن ەكى ارىستاننىڭ ءمۇسىنى، باسپالداق بويىمەن قارلۇق قاعاناتى كەزىنەن اراب ەكسپانسياسىنا دەيىنگى قالالار بەينەلەنەتىن ينستالياتسيا ورناتىلماق.

وبلىس اكىمى اسقار مىرزاحمەتوۆ ايتۋىنشا، ەسكەرتكىش «تەكتۇرماس» جوباسىنىڭ ءبىرىنشى كەزەڭى بويىنشا بوي كوتەرۋدە. جوبانىڭ ەكىنشى كەزەڭىندە ەسكەرتكىشتىڭ سول جاق بولىگىندەگى الاڭدا اتلاح شايقاسى مەن اڭىراقاي شايقاسىن بەينەلەيتىن قابىرعا ورناتىلماق.

سونداي- اق، ايماق باسشىسى ەسكەرتكىشتىڭ اينالاسىنا تارازدىڭ تەرەڭ تاريحىنان سىر شەرتەتىن باسقا دا باسقا دا جوبالار جوسپارلانعانىن جەتكىزدى.

بۇل جوبالاردى ءارى قاراي جەتىلدىرىپ، تۋريستەرگە تارتىمدىلىعىن ارتتىرۋ ءۇشىن ب. ساپاربايەۆ ونىڭ قۇرىلىس جۇمىستارىنا قولداۋ كورسەتۋ تۋرالى ق ر مادەنيەت جانە سپورت مينيسترلىگىنە ناقتى تاپسىرمالار جۇكتەدى.