+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

ستاتي نيۋ- يورك سوتىنا قازاقستانعا قارسى بەرگەن ارىزىن قايتارىپ الدى

14 قاراشا 16:29
:ءبولىسۋ
ستاتي نيۋ- يورك سوتىنا قازاقستانعا قارسى بەرگەن ارىزىن قايتارىپ الدى

نۇر- سۇلتان. قازاقپارات - ادىلەت مينيسترلىگى 12 - قاراشادا اناتول ستاتي، گابريەل ستاتي، Ascom Group S. A. پەن Terra Raf Trans Traiding Ltd. («ستاتي» ) نيۋ- يورك سوتىندا قازاقستان رەسپۋبليكاسىنا قارسى ارىزىن ءوز ەرىكتەرىمەن قايتارىپ العانىن جاريا ەتتى، دەپ حابارلايدى قازاقپارات.

ستاتي ارىزدى 2017 -جىلدىڭ ماۋسىم ايىندا بەرگەن بولاتىن. وسى تالاپ- ارىز بويىنشا ستاتي نيۋ- يورك سوتىنان شۆەد اپەللياتسيالىق سوتىنىڭ 2016 -جىلدىڭ جەلتوقسانىنداعى شەشىمىن ورىنداۋدى سۇراعان. ءستاتيدىڭ سوتتا ەكى شاعىمى بولدى. ءبىرىنشىسى - شامامەن 500 ميلليون ا ق ش دوللارى كولەمىندەگى تورەلىك شەشىمدى ورىنداۋ. ەكىنشىسى - شۆەتسياداعى شامامەن سوت ىسىنە كەتكەن 3,5 ميلليون ا ق ش دوللارىن الۋ» ، - دەپ حابارلايدى ادىلەت مينيسترلىگىنەن.

ستاتيگە جاۋاپ رەتىندە 2017 -جىلدىڭ قىركۇيەگىندە قازاقستان رەسپۋبليكاسى نيۋ- يورك سوتىنان ءىستى زاڭدى تۇرعىدا دەپ نەگىزسىز تانىپ، بالاما رەتىندە ءىستى توقتاتا تۇرۋدى سۇراپ، ءوتىنىش بەردى. 2018 -جىلدىڭ قىركۇيەگىندە نيۋ- يورك سوتى ۆاشينگتوندا (كولۋمبيا وكرۋگى) قازاقستان رەسپۋبليكاسىنىڭ اپپەلياتسيالىق وندىرىسىنە دەيىن سوت پروتسەسىن توقتاتتى. 2019 -جىلدىڭ قازان ايىندا نيۋ- يورك سوتى ۆاشينگتوندا اپەللياتسيالىق ءىس جۇرگىزۋ اياقتالعانىن ەسكەرە وتىرىپ، تاراپتاردىڭ ءىستى قاراۋدى جالعاستىرۋعا نيەتى بار- جوعىن ءتۇسىندىرىپ، 2019 -جىلدىڭ 15 - قاراشاسىنا دەيىن بىرلەسكەن حات جىبەرۋدى بۇيىرعان.

«نيۋ- يوركتە رەسپۋبليكانى قولدايتىن ارگۋمەنتتەردىڭ ءبىرى - شۆەتسياداعى شەشىمنىڭ الاياقتىق جولمەن الىنعانى ەدى. ءىستىڭ مارتەبەسى تۋرالى بىرلەسكەن حاتتا رەسپۋبليكا سوتتان قازاقستاننىڭ بۇل ءىستى توقتاتۋ تۋرالى ەرتەرەك ءوتىنىشىن قاراۋدى سۇراماق ەدى. ەگەر بۇل ءوتىنىش قابىلدانباسا، رەسپۋبليكا ءوزىن قورعاۋ ءۇشىن شۆەتسيادان الاياقتىق جولمەن الىنعان شەشىمدى ىسكە قوسۋدى جوسپارلاعان. ناتيجەسىندە، قازاقستان رەسپۋبليكاسى ستاتيدەن اقپاراتتى اشۋ قۇقىعىن الار ەدى» ، - دەلىنگەن ادىلەت مينيسترلىگىنىڭ حابارلاماسىندا.

ستاتي ءوز كەزەگىندە، سوتقا ءىستىڭ مارتەبەسى تۋرالى بىرلەسكەن حاتتى تالاپ ەتۋدىڭ ورنىنا، ونىڭ تالاپتارىن ءبىرجاقتى تۇردە قابىلداماي قويعان. وسىلايشا، ول قازاقستان رەسپۋبليكاسىنىڭ نيۋ- يورك سوتىمەن ءىستى توقتاتۋ تۋرالى ءوتىنىشىن قاراۋىنا قاتىسۋدان، سونداي- اق ءستاتيدىڭ الاياقتىعى تۋرالى قازاقستان رەسپۋبليكاسى كوتەرگەن سوت ىسىنە قاتىسۋدان جالتارعان.

بۇدان بۇرىن حابارلانعانداي، 2017 -جىلدىڭ ماۋسىم ايىندا انگليانىڭ جوعارعى سوتى 22 بەتتەن تۇراتىن «اربيتراجدىق شەشىمنىڭ الاياقتىق جولمەن الىنعاندىعى تۋرالى دالەلدى دالەلدەمەلەر بار» دەگەن نەگىزدى قورىتىندى بارىن، سول سەبەپتى بۇل ماسەلە جەكە سوت وتىرىسىندا قارالۋى كەرەك دەگەن قورىتىندى شىعارعان. جاۋاپ رەتىندە ستاتي انگلياداعى تورەلىك شەشىمدى ورىنداۋ تۋرالى ءوزىنىڭ تالاپ- ارىزىن قايتارىپ العان. ءبىراق، ول بۇل ەلدە سوت ءىسىن جۇرگىزۋدى ەشقاشان باستاماۋعا مىندەتتەلىپ، رەسپۋبليكاعا ماڭىزدى سوت شىعىندارىن تولەيتىن بولعان.

قازىرگى ۋاقىتتا رەسپۋبليكا بريتيش، نيدەرلاندى جانە ليۋكسەمبۋرگتى قوسا العاندا، بىرنەشە يۋريسديكتسيالاردا الاياقتىق بويىنشا سوت ءىسىن جۇرگىزۋدە. رەسپۋبليكا ءستاتيدىڭ الاياقتىق فاكتىلەرى، سونىڭ ىشىندە ءستاتيدىڭ بۇرىنعى باس قارجى ديرەكتورى ارتۋر لۋنگۋ مىرزانىڭ جاۋابىن ۇسىنىپ وتىر.

ادىلەت مينيسترلىگى نيۋ- يورك سوتىنىڭ قورىتىندى قۇجاتىنىڭ كوشىرمەسىن سايتتارىندا جاريالادى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات