پرەزيدەنت الەۋمەتتىك ماڭىزدى ونىمدەر باعاسىنىڭ وسىمىنە قاتىستى ۆەدومستۆولاردى سىنعا الدى
«كوكشەتاۋدا، ەڭ باستى استىقتى وڭىرلەردىڭ بىرىندە، ۇن باعاسىنىڭ ءوسىمى ەلەۋلى تۇردە شارىقتاعان، ياعني 47 پايىزعا جۋىق. وسى ارقىلى حالىقتىڭ ناقتى تابىسىن كوتەرۋ بويىنشا شارالارىمىز بەكەر بولعانداي. بۇل ءوز كەزەگىندە باعا قالىپتاسۋ باعاتىندا ءتيىستى باقىلاۋدىڭ جوقتىعىن كورسەتىپ وتىر»، - دەدى پرەزيدەنت اقمولا وبلىسىن دامىتۋ ماسەلەلەرى جونىندەگى كەڭەستە.
مەملەكەت باسشىسى جاۋاپتى مينيسترلىك تەك باعانىڭ ءوسۋ فاكىسىن ايتىپ، بۇعان ۆاليۋتا باعامىنىڭ قۇبىلمالىعىن، اۋىل شارۋاشىلىعى ءونىمىن وندىرۋدەگى ماۋسىمدىق سيپاتتى سەبەپشى ەتىپ شەكتەلەتىنىن سىنادى.
«ۇلتتىق ەكونوميكا مينيسترلىگى، اۋىل شارۋاشىلىعى مينيسترلىگى جانە ساۋدا جانە ينتەگراتسيا مينيسترلىگى اراسىندا ۇيلەستىرۋ شارالارى ءتيىستى دەڭگەيدە ەمەس»، - دەدى قاسىم-جومارت توقايەۆ.
پرەزيدەنت بۇل باعىتتاعى جۇمىستاردان اكىمدەر شەت قالعانىن اتاپ ءوتتى.
«تۇراقتاندىرۋ قورلارى ازىق-تۇلىك تاۋارلارىنىڭ نارىعىنا تۇراقتىندىرۋ اسەرىن كورسەتپەي ءجۇر. باعانىڭ شەكتى ءمانى باقىلانبايدى. مەنىڭ تاپسىرمام ورىندالماعان»، - دەدى مەملەكەت باسشىسى.