پرەزيدەنت: اكىمدىكتىڭ باياۋ جۇمىسىنىڭ كەسىرىنەن حالىق گازدى ۋاقتىلى الا الماي وتىر

كوكشەتاۋ. قازاقپارات - مەملەكەت باسشىسى قاسىم-جومارت توقايەۆ الداعى ەكى جىلدا ارشالى جانە سەلينوگراد اۋداندارىندا گازبەن جابدىقتاۋ جەلىلەرىن جۇرگىزۋدى تاپسىردى، دەپ حابارلايدى قازاقپارات ءتىلشىسى.

«مەملەكەت ماگيسترالدى گاز قۇبىرىن جەدەل قارقىنمەن جۇرگىزدى. ايتسە دە، سول ۋاقىتتا ول جەردە ەشقانداي جۇمىس جاسالماعان. جەلىلەر دايىن ەمەس. اكىمدىكتىڭ باياۋ جۇمىسى سالدارىنان تۇرعىندار گازدى ۋاقتىلى الا المايدى. ەلدى مەكەندەردىڭ ىشىندەگى جەلىلەردى سالۋ ءۇشىن ءالى ءتيىستى قۇجاتتار دايىندالماعان»، - دەدى قاسىم-جومارت توقايەۆ اقمولا وبلىسىن دامىتۋ ماسەلەلەرى جونىندەگى كەڭەستە.

پرەزيدەنت وسىعان بايلانىستى ۇكىمەتكە وبلىس اكىمدىگىمەن بىرگە 2020-2021-جىلدارى ارشالى جانە سەلينوگراد اۋداندارىندا گازبەن جابدىقتاۋ جەلىلەرىنىڭ قۇرىلىسىن جۇرگىزۋدى تاپسىردى.

«قوسشى - اگلومەراتسيا ماڭىنداعى ينفراقۇرىلىم ماسەلەلەرىن شەشۋ ءۇشىن جۇمىستى تەز ارادا جۇرگىزۋ قاجەتتىلىگىنىڭ جارقىن مىسالى. قوسشى حالقى بويىنشا 3 ءتۇرلى ستاتيستيكا بار: ءىس جۇزىندە وندا 52,5 مىڭ ادام تۇرادى. سول سەكىلدى جاقسىدا مارگانەتس كەنىن وندىرەتىن اشىق كاسىپورىن جوباسىن ىسكە اسىرۋ ماسەلەسى تالقىلانىپ جاتىر. تۇرعىندار كەن ورنىن يگەرۋگە ءۇزىلدى-كەسىلدى قارسى. اكىمدىك پەن ۇكىمەت شەشىم قابىلداعان كەزدە حالىقتىڭ پىكىرىن ەسكەرۋى كەرەك»، - دەدى پرەزيدەنت.