الماتى تۇرعىندارى ەۋروپادان پوشتا ارقىلى ەسىرتكى الدىرىپ، ساتىپ كەلگەن – ۇ ق ك

None
None
الماتى. قازاقپارات – ق ر ۇ ق ك الماتى قالاسى بويىنشا دەپارتامەنتى ەۋرووداق ەلدەرىنەن قازاقستانعا پوشتا ارقىلى سينتەتيكالىق ەسىرتكى جەتكىزەتىن كونتراباندالىق ارنانى ۇيىمداستىرعان توپتىڭ جولىن كەستى.

بۇل جونىندە ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

سونىمەن، 6- قاراشادا پوشتا بولىمشەسىندە جەدەل-ىزدەستىرۋ شارالارىن جۇرگىزۋ ناتيجەسىندە 968 پسيحوتروپتىق تابلەتكا تابىلدى. سونداي-اق، گەرمانيا ارقىلى نيدەرلاندىدان كونتراباندالىق ەسىرتكى جەتكىزۋگە قاتىسى بار الماتى قالاسىنىڭ ەكى تۇرعىنى - «ك» جانە «د» ۇستالدى.

«ۇستالعان «ك» - نىڭ تۇرعىلىقتى جەرى بويىنشا شامامەن 1.5 كەلى «گاشيش» ەسىرتكىسى مەن 30 گرام مەفەدرون الىندى. الىنعان زاتتار سوت-حيميالىق ساراپتاماعا جولداندى. ەسىرتكى قۇرالدارى مەن پسيحوتروپتىق زاتتاردى ينتەرنەت-دۇكەن ارقىلى وتكىزىپ وتىرعان» دەلىنگەن حابارلامادا.

وسى دەرەك بويىنشا ق ر ۇ ق ك الماتى قالاسى بويىنشا دەپارتامەنتى ق ك 297-بابى 3- ءبولىمى بويىنشا قىلمىستىق ءىس قوزعادى. ۇستالعان ادامدار الماتى قالالىق پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى، سوتقا دەيىنگى تەرگەۋ جالعاسۋدا.

سوڭعى جاڭالىقتار