اقتوبەدە «قازىرگى زامان قاھارمانى» اكسياسى ءوتتى

نۇر-سۇلتان. قازاقپارات - «قازىرگى زامان قاھارمانى» رەسپۋبليكالىق اكسياسى اقتوبە وبلىسىنىڭ حرومتاۋ قالاسىندا جالعاسىن تاپتى، دەپ حابارلايدى قازاقپارات ءتىلشىسى.

اقتوبە وبلىستىق پ د باسپا ءسوز قىزمەتىنىڭ مالىمەتىنشە، حرومتاۋداعى سالتاناتتى شارا ەڭ الدىمەن قىزمەت بابىندا قازا تاپقان پوليتسەيلەرگە ارنالعان ەسكەرتكىشكە گۇل شوقتارىن قويىپ، ولاردى ەسكە الۋدان باستالدى. ەسكەرتكىش قىزمەتىن اتقارۋ كەزىندە 1980 -جىلى قىلمىسكەرلەر قولىنان قازا تاپقان ميليتسيا مايورى بۇجىر يمانعازين مەن بۇزاقىلار قولىنان مەرت بولعان ۋچاسكەلىك پوليتسيا قىزمەتكەرى قىمباتقازى ءورازاليننىڭ ەسىمدەرىن كەلەشەك ۇرپاق جادىندا قالدىرۋعا ارنالعان بولاتىن.

شاراعا حرومتاۋ اۋدانىنىڭ تۇرعىندارى مەن جاستار، ارداگەرلەر، اۋداندىق پوليتسيا ءبولىمىنىڭ جەكە قۇرامى، قازا تاپقان پوليتسەيلەردىڭ تۋىستارى قاتىستى.

جينالعان كوپشىلىك الدىندا ءسوز العان اۋدان اكىمى ناعىمجان الدياروۆ اۋدانعا كەلگەن قوناقتارعا العىسىن ءبىلدىرىپ، ەل تۇرعىندارىنىڭ تىنىشتىعى مەن قاۋىپسىزدىگى جولىندا انتتارىنا ادالدىق تانىتقان اسىل ازاماتتاردىڭ بەينەسى وتانشىلدىقتىڭ جارقىن ۇلگىسى بولىپ قالا بەرەتىنىن ايتتى. شارادا قازا بولعاندار ءبىر مينۋت ۇنسىزدىكپەن ەسكە الىندى.

سونىمەن قاتار رەسپۋبليكالىق اكتسيا قاتىسۋشىلارى حرومتاۋ قالاسىنداعى №7-ورتا ءبىلىم بەرەتىن مەكتەپ ۇجىمى جانە وقۋشىلارىمەن كەزدەستى. بۇل كەزدەسۋدىڭ جاستار ءۇشىن ۇلكەن تاربيەلىك ءمانى بار.

«ءبىزدىڭ ماقساتىمىز - ەلىن سۇيەتىن، انتىنا ادال، قىزمەتىن مۇلتىكسىز ورىندايتىن وسىنداي ارىپتەستەرىمىزدىڭ ۇمىتىلماس ونەگەلى ءومىر جولدارىن جاستارعا ۇلگى ەتۋ. سونىڭ ناقتى ءبىر مىسالى رەتىندە اقتوبە قالالىق پوليتسيا باسقارماسىنىڭ جەدەل ۋاكىلى پوليتسيا كاپيتانى ءانۋار ءابدۋلليننىڭ ەرلىك ارەكەتىن ايتۋعا بولادى. ول سەيفتەگى اقشا مەن التىن بۇيىمداردى ۇرلاماق بولعان قارۋلانعان قىلمىسكەرلەردى باسىن قاتەرگە تىگىپ، ۇستاعان بولاتىن» - دەدى سالتاناتتى شارادا ءسوز العان ق ر ءى ى م كادر ساياساتى دەپارتامەنتى باستىعىنىڭ ورىنباسارى پوليتسيا پولكوۆنيگى باقىتجان بەيسەيەۆ.

حرومتاۋداعى كەزدەسۋ سوڭىندا الماتى قالاسى پوليتسيا دەپارتامەنتى ءانسامبلىنىڭ شىعارماشىلىق ۇجىمى كونسەرتتىك باعدارلاماسىن ۇسىندى.

اكسيا اقتوبە قالاسىندا دا جالعاسىن تاۋىپ، ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە پروفەسسور- وقىتۋشىلار قۇرامى جانە ستۋدەنتتەرمەن كەزدەسۋگە ۇلاستى.

وسكەلەڭ ۇرپاقتىڭ وتانشىلدىق رۋحىن كوتەرەتىن بۇل ماڭىزدى پاتريوتتىق شارا قاراشانىڭ 14-ىندە اقتوبە وبلىسىنىڭ تەمىر اۋدانىندا جالعاسىن تاپپاق.

15 -قاراشا كۇنى «ونەر ورتالىعى» كونسەرت زالىندا سالتاناتتى ءىس- شارانىڭ قورىتىندى ءبولىمى وتەدى. وندا ىشكى ىستەر ءمينيسترى اتىنان ماراپاتتاۋلار مەن العىس حاتتار تابىس ەتىلەدى.

اكسيا سوڭىندا اقتوبەلىك تۇرعىندار نازارىنا الماتى قالالىق پوليتسيا دەپارتامەنتى ءانسامبلىنىڭ كونسەرتتىك باعدارلاماسى ۇسىنىلادى.

اۆتور: مارلان جيەمباي