+7 (701) 759 90 19
-6 °С : نۇر-سۇلتان
2 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

ەلىنەن قاشقان پرەزيدەنتتەر

14 قاراشا 09:14
:ءبولىسۋ
ەلىنەن قاشقان پرەزيدەنتتەر

نۇر-سۇلتان. قازاقپارات - 10- قاراشادا بوليۆيا باسشىسى ەۆو مورالەس پرەزيدەنتتىك قىزمەتىنەن باس تارتىپ، وتستاۆكاعا كەتەتىنىن حابارلادى.

12- قاراشادا ەكس-پرەزيدەنتتىڭ بوليۆيانى تاستاپ، مەكسيكاعا قاشىپ بارعانىن الەمدىك ب ا ق جارىسا جازدى.

وتكەنگە كوز جۇگىرتسەك، ءوز ەلىنەن قاشقان پرەزيدەنتتەر از ەمەس. الەم ەلدەرىن باسقارعان پرەزيدەنتتەردى قانشالىقتى جاقسى بىلەمىز؟ نازارلارىڭىزعا تاعدىرلاس كوشباسشىلاردىڭ ءبىر پاراسىن ۇسىنامىز.

فۋلحەنسيو باتيستا (كۋبا) - 01.01.1959


باتيستا 1940-1959-جىلدار ارالىعىندا كۋبا پرەزيدەنتى بولدى. ول بيلىك جۇرگىزگەن كەزەڭدە ەلدە وپپوزيتسيا مۇشەلەرى اياۋسىز قىرىلدى. باتيستا كومانداسىنا قارسى شىققاندار جاساقتالعان كىسى ولتىرۋشىلەر قولىنان قازا تاپتى.

كۋبانىڭ حالقى دا پرەزيدەنتتى جاقسى كورە قويمادى. اۆتوريتارلى ستيلدە بيلىك جۇرگىزگەن پرەزيدەنت حالىققا دا ءتىس باتىرىپ، اياۋسىزدىق تانىتتى. فيدەل كاسترو، ەرنەستو چە گيەۆارا اتتى كوتەرىلىسشىلەر پرەزيدەنتكە قارسى شىعىپ، استاناعا باسىپ كىرگەندە باتيستا دومينيكان رەسپۋبليكاسىنا قاشىپ كەتتى.

كوپ ۇزاماي باس ساۋعالاپ پورتۋگالياعا كەتۋگە ءماجبۇر بولدى.

موحاممەد رەزا پەحليەۆيم (يران) - 11.02.1979


پەحليەۆي - يراننىڭ سوڭعى شاحى. 1979-جىلى بولعان يسلام ريەۆوليۋتسياسىنان كەيىن ول ەل شەكاراسىن تاستاپ، كايرگە قاشۋعا ءماجبۇر بولدى. دەگەنمەن كوپ ۇزاماي ول وسى قالادا جان تاپسىردى.

بوكاسسا جان-بەدەل (ورتالىق افريكا رەسپۋبليكاسى) - 20.09.1979


وعاش ارەكەتتەرىمەن، جاۋىزدىعىمەن تاريحتا قالعان باسشىنىڭ ءبىرى - ورتالىق افريكا رەسپۋبليكاسىنىڭ پرەزيدەنتى بوكاسسا جان-بەدەل. افريكانىڭ ەڭ كەدەي مەملەكەتتەرىنىڭ ءبىرىن باسقارعان ول 2000 بريلليانت تاسپەن اشەكەيلەنگەن التىن تاقتا وتىرعان ەكەن.

ول 1966-1976-جىلدار ارالىعىندا ورتالىق افريكا رەسپۋبليكاسىن باسقاردى. 1976-جىلى رەسپۋبليكانى يمپەرياعا اينالدىرىپ، ءوزى يمپەراتور اتاندى. الايدا بۇل يمپەريا تەك 3 جىل ءومىر ءسۇردى.

حالىق نارازىلىعىن تۋدىرعان بوكاسسا وزىنە قارسى توپتاردىڭ قىسىمىنىڭ اسەرىنەن فرانسياعا قاشىپ كەتتى.

فەرديناند ماركوس (فيليپپين) - 07.02.1986


جەكە باسقا تابىنۋ جانە بۇرا تارتۋ ارەكەتتەرى ماركوستىڭ بيلىك قۇرعان كەزەڭىندە ءجيى كورىنىس بەردى. باسشى 1972-جىلى ساياسي قارسىلاستارىن تۇگەلدەي تۇرمەگە قامادى. 1986-جىلى وتكەن كەزەكتى پرەزيدەنت سايلاۋىندا ول ادىلەتسىز جولمەن جەڭىسكە جەتتى. وسى كەزەڭدە مەملەكەتتىڭ حالقى كوتەرىلىس جاساپ، پرەزيدەنتتىڭ بيلىكتەن كەتۋىن تالاپ ەتتى.

سونىڭ سالدارىنان ماركوس گاۆايعا، ودان كەيىن ا ق ش- قا قاشتى. ول 1988-جىلى دۇنيەدەن ءوتتى.

جان-كلود ديۋۆالە (گايتي) - 07.02.1986


1986-جىلدىڭ باسىندا گايتي حالقى بيلىككە قارسى كوتەرىلىس ۇيىمداستىرىپ، پرەزيدەنت ديۋۆالەنى قىزمەتىنەن كەتۋگە ماجبۇرلەدى. ءتىپتى نارازى توپتاردىڭ كوبەيۋىنەن قورىققان پرەزيدەنت ەلدەن قاشىپ شىعىپ فرانسيادان پانا تاپقان.

البەرتو فۋحيموري (پەرۋ) - 13.11.2000


جاڭا ءداۋىردىڭ قاتىگەز ديكتاتورلارىنىڭ ءبىرى - البەرتو فۋحيموري. ول 1990-2000-جىلدار ارالىعىندا پەرۋدە بيلىك جۇرگىزدى. 2000-جىلى مەملەكەتتە پرەزيدەنت سايلاۋى ءوتتى. وسى سايلاۋعا كانديداتتىعىن ۇسىنعان فۋحيموريدىڭ بۇرىنعى قىزمەتتەگى شيكىلىكتەرى اشكەرە بولدى.

سونىڭ سالدارىنان ول جاپونياعا قاشىپ كەتتى، الايدا 2006-جىلى ەلىنە قايتا ورالىپ، وسى جىلى سوتتالدى.

اسقار اقايەۆ (قىرعىزستان) - 05.04.2005


اسقار اقايەۆ 1990-جىلدىڭ قازان ايىندا قىرعىزستان جوعارعى كەڭەسىنىڭ كەزەكتەن تىس 2-سەسسياسىندا قىرعىز رەسپۋبليكاسىنىڭ پرەزيدەنتى بولىپ سايلاندى. 2005-جىلعى 24- ناۋرىزدا قىرعىزستاندا ورىن العان «قىزعالداق توڭكەرىسى» ناتيجەسىندە اسقار اقايەۆ ەلدەن كەتتى.

قۇرمانبەك باكيەۆ (قىرعىزستان) - 15.04.2010


2005-جىلدىڭ 25- ناۋرىزى مەن 2010-جىلدىڭ 15- ءساۋىرى ارالىعىندا قىرعىزستاندى باسقاردى. 2010-جىلى 7- ساۋىردە باستالعان قاندى وقيعالاردان كەيىن ءدال اسقار اقايەۆ سياقتى ورنىنان كەتۋگە ءماجبۇر بولدى.

بىشكەكتەن قاشىپ كەتكەن باكيەۆ تۋعان جەرى جالالابات وبلىسىنىڭ تەيىت (ماسادان) اۋىلىنا كەلىپ، بيلىگىن ساقتاۋ ءۇشىن قىرعىزستاننىڭ وڭتۇستىگىندە ەلدىڭ قولداۋىن ىزدەدى.

وسى جىلدىڭ 15- ساۋىرىندە باكيەۆتى قولدايتىن كۇشتەر وش قالاسىندا ميتينگ ۇيىمداستىردى. الايدا، جاقتاۋشى مەن قارسىلاس توپتاردىڭ قاقتىعىسىنان كەيىن، ميتينگ تاراپ، ماقساتىنا جەتە الماعان باكيەۆ قىرعىز ەلىنەن كەتۋگە ءماجبۇر بولدى.

تاراز قالاسىندا بيلىكتەن باس تارتاتىن قاعازعا قول قويىپ، ارى قاراي بەلارۋس استاناسى مينسك قالاسىنا ۇشىپ كەتىپ، سول جاقتان پانا تاپتى.

زين ەل-ابيدين بەن الي (تۋنيس) - 17.12.2010


بەن الي تۋنيس مەملەكەتىن 1987-2011-جىلدار ارالىعىندا باسقاردى. پرەزيدەنت بيلىگىنىڭ تۇسىندا جۇمىسسىزدىق دەڭگەيى جوعارىلاپ، جەمقورلىق ورشىگەن. 2010-جىلدىڭ 17- جەلتوقسانىندا موحاممەد بۋازيزي ەسىمدى ساۋداگەر ەلدەگى جەمقورلىققا كۇيىنىپ، جاريا تۇردە ءوزىن ورتەپ جىبەرەدى.

وسى وقيعادان كەيىن حالىق دۇرلىگىپ، مەملەكەتتىڭ حالقى كوتەرىلىس ۇيىمداستىردى. سونىڭ سالدارىنان بەن-الي ساۋد ارابياسىنا باس ساۋعالاپ قاشتى. ەل اراسىندا ونىڭ 1,5 توننا التىن قۇيماسىن ۇرلاپ اكەتكەنى ايتىلادى.

ۆيكتور يانۋكوۆيچ (ۋكراينا) - 22.02.2014


ۆيكتور يانۋكوۆيچ - ۋكراينانىڭ ءتورتىنشى پرەزيدەنتى (2010-2014). 2014-جىلى كيەۆتەگى تاۋەلسىزدىك الاڭىندا قاندى وقيعا ورىن الىپ، ناتيجەسىندە 100 دەن استام ادام قازا تاپتى. وسى جاعدايدان كەيىن پرەزيدەنت نارازى توپتاردان جاسىرىنىپ، ءوزىنىڭ جاقتاستارىمەن رەسەيگە كەتتى.

ەۆو مورالەس (بوليۆيا) - 12.11.2019


مورالەس - بوليۆيانىڭ 80-پرەزيدەنتى. بيلىك باسىنا 2006-جىلدىڭ 22- قاڭتارىندا كەلگەن.

وسى جىلدىڭ 20- قازانىندا وتكەن كەزەكتى پرەزيدەنت سايلاۋىندا ءوز كانديداتۋراسىن ۇسىنعان مورالەس باسقا كانديداتتاردان باسىم داۋىس جيناپ جەڭىسكە جەتكەن.

الايدا ونىڭ قارسىلاسى كارلوس مەسا سايلاۋدىڭ ءادىل وتپەگىنىن ايتىپ، سايلاۋ ناتيجەسىمەن كەلىسپەيتىنىن حابارلادى.

وسى جاعدايدان كەيىن بوليۆيا قارۋلى كۇشتەرى ەلدە تۇراقتىلىق ورناتۋ ءۇشىن مورالەستەن پرەزيدەنتتىك قىزمەتتەن كەتۋىن تالاپ ەتتى. 10- قاراشادا ەۆو مورالەس ءوزىنىڭ وتستاۆكاعا كەتەتىنىن حابارلادى.

ال 12- قاراشادا ەكس-پرەزيدەنت جەكە ۇشاعىمەن بوليۆيادان مەكسيكاعا قاشىپ شىققان. قازىرگى ۋاقىتتا مورالەس - مەحيكونىڭ قورعاۋىندا.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات