+7 (701) 759 90 19
-17 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

باعانى تۇراقتاندىرۋدا جۇيەلى جۇمىستار قاجەت - اسقار مىرزاحمەتوۆ

14 قاراشا 08:08
:ءبولىسۋ
باعانى تۇراقتاندىرۋدا جۇيەلى جۇمىستار قاجەت - اسقار مىرزاحمەتوۆ

تاراز. قازاقپارات - جامبىل وبلىسىندا الەۋمەتتىك ماڭىزى بار تاۋارلاردىڭ باعالارىن تۇراقتاندىرۋ مەن باقىلاۋدا ۇستاۋ - باستى نازاردا بولماق.

بۇل ورايدا ايماق باسشىسى اسقار مىرزاحمەتوۆ تۇراقتاندىرۋ قورىنىڭ كوممۋنالدىق دۇكەندەرىن كوبەيتۋدىڭ ماڭىزدىلىعىن اتاپ ءوتتى، دەپ حابارلايدى قازاقپارات ءتىلشىسى.

تاراز قالاسىنداعى ءبىرقاتار نىسانداردى ارالاعان ايماق باسشىسى باعانى تۇراقتاندىرۋدا جۇرگىزىلەر جۇمىستاردىڭ جۇيەلى بولۋ كەرەكتىگىنە ايرىقشا كوڭىل ءبولىپ، جاۋاپتى تۇلعالارعا ناقتى تاپسىرمالار جۇكتەدى.

الدىمەن اباي داڭعىلىنىڭ بويىنداعى «سمارت» ساۋدا ورتالىعىنىڭ جانىندا 1№ الەۋمەتتىك دۇڭگىرشەگىنە باس سۇققان وبلىس اكىمى ونداعى تاۋارلاردىڭ ساتىلىم بارىسىن بارلادى. ساتۋشى سۇرانىسقا وراي ءوزىنىڭ تاڭعى جەتىدەن كەشكى 22:00 گە دەيىن جۇمىس جاسايتىنىن جەتكىزدى. ال، باسقا دۇڭگىرشەكتەردەگى جۇمىس رەجىمى تاڭعى 9:00 دەن كەشكى 19:00 گە دەيىن ەكەن.

ايتا كەتەيىك، بۇگىندە قالا ىشىندە وسىنداي 11 دۇڭگىرشەك بار. ولارداعى الەۋمەتتىك ماڭىزى بار تاۋارلار نارىقتاعىدان 10-15 پايىزعا تومەن ساتىلۋدا. اتاپ ايتساق، كارتوپتىڭ كەلىسى 70 تەڭگە، ءسابىز 45، پياز 35، كۇنباعىس مايى 325 تەڭگە، قۇمشەكەر 190، ءسۇت 160، نان 55 تەڭگەدەن ساتىلۋدا.

ايماق باسشىسى، سۇرانىسقا وراي بارلىق دۇڭگىرشەكتەردىڭ جۇمىس رەجىمىن ۇزارتۋ جانە قاجەتتىلىككە وراي دۇڭگىرشەكتەردىڭ سانىن بارىنشا ارتتىرۋ كەرەكتىگىن تاپسىردى. سونداي-اق، مۇنداي الەۋمەتتىك دۇكەندەر ماڭىنداعى تۇرعىن ۇيلەردەردەگى كوپبالالى جانە از قامتىلعان وتباسىلاردىڭ ءتىزىمىن انىقتاپ، ولارعا جەڭىلدىكتەر قاراستىرۋدى، ول بويىنشا ءتيىستى تۇلعالارعا ۇيىمداستىرۋشىلىق شارالارىن مۇقيات اتقارۋدى تاپسىرىپ، بەس كۇن ۋاقىت بەردى.

بۇدان سوڭ اسقار مىرزاحمەتوۆ «كوزين» جەكە كاسىپكەرلىگىنىڭ ناۋبايحانا جۇمىسىمەن تانىستى. 2000-جىلى قۇرىلعان ناۋبايحانا نان جانە كونديتەرلىك ونىمدەر شىعارۋمەن اينالىسادى. بۇگىندە تاۋلىگىنە 25 مىڭ بولكە نان شىعاراتىن كاسىپورىندا 100 گە جۋىق ادام قىزمەت ەتەدى. قازىرگى تاڭدا 0,8 گەكتار اۋماقتا قوسىمشا ناۋبايحانانىڭ قۇرىلىسى جۇرگىزىلۋدە. جوبا ىسكە اسقان ۋاقىتتا تاعى 100 ادامدى جۇمىسپەن قامتۋ كوزدەلىپ وتىر.

ءوڭىر باسشىسى ناننىڭ باعاسىن ۇستاپ تۇرۋعا قاتىستى جۇيەلى شەشىمدەر قابىلداۋ كەرەكتىگىنە كوڭىل ءبولىپ، سولتۇستىكتەن جەتكىزىلەتىن جوعارى ساپالى ۇنمەن قاتار، ءوز وبلىسىمىزدا وسىرىلەتىن بيدايدى دا ۇتىمدى ۇقساتۋدىڭ ماڭىزدىلىعىنا توقتالدى. وسى ورايدا وڭىردە شىعاتىن بيدايدى ساپاسىنا سايكەس بەلگىلى ءبىر دارەجەدە ناۋبايحانالاردا وندەۋ ءىسى قولعا الىنباق. وسىلايشا جول شىعىنى مەن ساپاسىنا وراي نان باعاسىن تومەندەتۋگە قول جەتكىزۋگە بولادى. بۇل تۇرعىدا انىقتاۋ، تالداۋ شارالارى جۇرگىزىلمەك.

سونىمەن قاتار وبلىس اكىمى تاراز قالاسىنىڭ كوممۋنالدىق بازارىنا ات باسىن بۇرىپ، ونداعى جىلقى، سيىر، قوي ەتتەرىنىڭ جانە وزگە دە تاۋارلاردىڭ ساتىلىم باعاسىن شولىپ شىقتى. مۇنداعى باعالاردىڭ نارىقتاعىدان 10-15 پايىز تومەن ەكەندىگىن باعامداعان ايماق باسشىسى تۇرعىنداردى بارىنشا حاباردار ەتىپ، تارتۋ كەرەكتىگىن، وسىلايشا باعانىڭ نەگىزسىز وسىمىنە تويتارىس بەرۋگە بولاتىنىن جەتكىزدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات