+7 (701) 759 90 19
-14 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ابايلاڭىز، عالامتور الاياقتارى سان سوقتىرىپ كەتپەسىن

13 قاراشا 21:18
:ءبولىسۋ
ابايلاڭىز، عالامتور الاياقتارى سان سوقتىرىپ كەتپەسىن

نۇر-سۇلتان.قازاقپارات - عالامتوردى الاياقتىق دەندەپ بارادى. سولتۇستىك قازاقستان وبلىسىندا ينتەرنەت ارقىلى جالعان جارنامالارعا الدانىپ قالعاندار كوبەيدى، دەپ حابارلايدى «حابار 24» ءتىلشىسى.

وڭىردە جىل باسىنان بەرى وسىنداي 190 دەرەك تىركەلدى. جابىرلەنۋشىلەردىڭ كوبى ونلاين ساۋدا بارىسىندا سان سوعىپ قالعان. پەتروپاۆل قالاسىنىڭ تۇرعىنى ماكسيم كيرنوس - الاياقتاردىڭ ارباۋىنا ءتۇسىپ قالعان جانداردىڭ ءبىرى. الەۋمەتتىك جەلىدەگى جارنامانىڭ جالعاندىعىنا كۇماندانباعان ازامات كورسەتىلگەن تەلەفونعا حابارلاسىپ، جۇمىسقا ورنالاسپاقشى بولعان. ال قۇجاتتاردىڭ كوشىرمەسىن الىپ العان پىسىقايلار ميكروقارجىلىق ۇيىمداردان ونلاين تۇردە ءبىر ەمەس، ەكى نەسيە راسىمدەپتى.

ماكسيم كيرنوس، قالا تۇرعىنى:

- بانككە بارىپ نەسيە تاريحىمدى تەكسەرتسەم، ماماندار ەكى كرەديت الىپ، ونى تولەمەي جۇرگەنىمدى ايتتى. بىردەن عالامتورداعى جۇمىس جايلى ۇسىنىس ويىما ءتۇسىپ، پوليسياعا ارىزداندىم. ولار كوپ ۇزاماي، كۇدىكتىنى قولعا ءتۇسىردى. كەيىن بۇل الاياقتىڭ مەنەن باسقا تاعى ەكى ادامدى تاقىرعا وتىرعىزعاندىعى انىقتالدى.

ينتەرنەتتى يگى ماقساتقا ەمەس، ارام ايلاسى ءۇشىن پايدالانىپ جاتقانداردىڭ سانى ارتىپ بارادى. ال پوليسەيلەر ولاردى قولعا ءتۇسىرۋ وڭاي شارۋا ەمەس ەكەندىكتەرىن ايتادى. جالپى بيىلدىڭ وزىندە سولتۇستىك قازاقستان وبلىسىندا 200 گە جۋىق ادام عالامتوردىڭ قۇربانى بولعان. بۇل وتكەن جىلمەن سالىستىرعاندا ەداۋىر كوپ.

قايرات قاسەنوۆ، وبلىستىق پ د تەرگەۋ باسقارماسىنىڭ اعا تەرگەۋشىسى:

- جىل باسىنان بەرى ينتەرنەتتەگى الاياقتىققا قاتىستى 190 فاكتى تىركەلدى. ولاردىڭ ىشىندە ءاربىر ءۇشىنشى قىلمىس اشىلۋدا. قازىرگى ۋاقىتتا ينتەرنەتكە قاتىستى الاياقتىق فاكتىلەرى كەڭىنەن تارالعان. ولاردىڭ ىشىندە جاڭاعىداي ايتىلعان ميكروفينانستىق ۇيىمداردان نەسيە الۋ، پاتەر جالداۋ الاياقتىعى، اۆتوبولشەكتەر تاپسىرىس بەرۋ جانە دە باسقا دا ينتەرنەت جۇيەسىنە بايلانىستى الاياقتار. ۆەرتۋالدى الەمدى قولشوقپارىنا اينالدىرعاندار جەر شارىنىڭ كەز كەلگەن نۇكتەسىندە وتىرىپ، تۇزاعىنا ءتۇسىرۋى مۇمكىن. ونىڭ ۇستىنە اقپاراتتىق تەحنولوگيا دامىعان سايىن الاياقتىڭ ايلاسى دا كوبەيگەن. ونلاين ساۋدا جاساۋ بارىسىندا ازاماتتاردىڭ اڭعالدىعى تاعى بار.

سامات قايىردەن ۇلى، ءتىلشى:

- قازىر ءبىز ازاماتتار كوپتەپ حابارلاندىرۋ سالاتىن سايتتى اشتىق. سولاردىڭ بىرەۋىنە حابارلاسىپ، كارتا نومىرلەرىن سۇرايتىن بولامىز. مىنە، اينالاسى 5 مينۋتتىڭ ىشىندە بىزدە تاۋار ساتىپ جاتقان ازاماتشانىڭ اتى- ءجونى مەن بانكتىك ەسەپشوتىن وپ- وڭاي ءبىلىپ الدىق. ءبىراق ءمان- جايدى ءتۇسىردىرىپ، ونلاين ساۋدا جاساعان كەزدە مۇنداي اقپاراتتاردى ەشقاشان جاريا ەتپەۋ كەرەكتىگىن ەسكەرتتىك. بۇل تالاپتى ورىنداماساڭىز سىزدە عالامتوردىڭ تورىنا ءتۇسىپ قالۋىڭىز عاجاپ ەمەس.

اۆتورلارى: سامات قايىردەن ۇلى، تولەگەن يمانوۆ

www.24.kz


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات