رەسەيدە قازاق سۇلتانى وراز- مۇحاممەدكە ەستەلىك تاقتا ورناتىلادى

ماسكەۋ. قازاقپارات - رەسەي فەدەراتسياسىنىڭ ريازان وبلىسى قاسىم قالاسىندا جوشى ۇلىسىنان شىققان وراز- مۇحاممەد سۇلتانعا مەموريالدى تاقتا ورناتىلادى.

 بۇل تۋرالى «قازاقپارات» ح ا ا مەنشىكتى ءتىلشىسى رەسەيدەگى قازاقستان ەلشىلىگىنىڭ باسپا ءسوز قىزمەتىنە سىلتەمە جاساپ حابارلايدى.

سالتاناتتى شارا 15- قاراشا كۇنى رەسەيدىڭ مادەني مۇرالار نىسانىنا ەنگەن افگان- مۋحاممەد سۇلتانىنىڭ كەسەنەسىنە جاقىن جەردەگى ەسكى تاتار زيراتىندا وتەدى.

قاسىم حاندىعىن باسقارعان وراز- مۇحاممەد سۇلتانعا ەسكەرتكىش تاقتا ورناتۋ يدەياسىنىڭ اۆتورى - رەسەي فەدەراتسياسىنداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى يمانعالي تاسماعامبەتوۆ.

«ريازان وبلىسىنىڭ اكىمشىلىگى، قازاقستان رەسپۋبليكاسىنىڭ باسشىلىعى قازاقستان ديپلوماتيالىق وكىلدىگىمەن بىرلەسىپ، كورنەكتى وتانداسىمىزدى ەسكە الۋعا ارنالعان شارالار ۇيىمداستىرۋدا. بۇل، تۋريستەر مەن تاريحقا قىزىعۋشىلىعى جوعارى ازاماتتار ءۇشىن كەرەمەت نىسانداردىڭ ءبىرى بولارى ءسوزسىز» ، - دەلىنگەن حابارلامادا.

مەموريالدىق تاقتانى جاساۋ ءۇشىن تابيعي قوڭىر ءتۇستى گرانيت پايدالانىلدى. ەسكەرتكىشتىڭ بيىكتىگى ءۇش مەتر، توبەسىنە دوعال كۇمبەز ورناتىلعان. ەستەلىك تاقتاعا «وراز- مۇحاممەد وڭدان ۇلى، 1573-1610. قازاق سۇلتانى، قاسىم حاندىعىن بيلەۋشى» دەپ جازىلعان.

ەسكە سالايىق، 2019 -جىلدىڭ قازانىندا قازاقستان جۇرتشىلىعى وراز- مۇحاممەد حاننىڭ تۋعانىنا 447 جىل تولۋىن اتاپ ءوتتى.

ماماندار قاسىم حاندىعىنىڭ مادەنيەتى مەن تاريحىن بىرەگەي دەپ سانايدى. بۇل ەرەكشە مەملەكەت XV عاسىردا قۇرىلعان. ول بىرنەشە عاسىر بويى ماسكەۋ مەملەكەتىنىڭ مۇددەسى اياسىندا بولىپ، ورىس تاريحىنىڭ كوپتەگەن وقيعالار بارىسىنا ىقپال ەتكەن.

نارىمبەك يسماگۋلوۆ