+7 (701) 759 90 19
-6 °С : نۇر-سۇلتان
2 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

قانداي شىرىننىڭ قۇرامىندا دارۋمەن كوپ؟

13 قاراشا 22:35
:ءبولىسۋ
قانداي شىرىننىڭ قۇرامىندا دارۋمەن كوپ؟

نۇر- سۇلتان.قازاقپارات - كوكونىس شىرىندارىنىڭ اعزامىزعا قانداي پايدا اكەلەتىنىن ءبىرىمىز بىلسەك، ءبىرىمىز بىلمەيمىز.

اناناستىڭ قۇرامىندا برومەلاين بار. ول مايدى ەرىتەتىن قاسيەتى بار. دارىگەرلەر اناناس شىرىنىن بۇيرەك پەن انگينا اۋرۋلارىندا ىشۋگە كەڭەس بەرەدى. اناناس اسقورىتۋ جۇيەسىن دە جاقسارتىپ، تەرىدەگى داقتاردى جويۋعا كومەكتەسەدى. اناناس شىرىنىندا ا دارۋمەنى، بەتا- كاروتين، رر، س، ۆ توبىنداعى دارۋمەندەر، كالي، ناتري، كالتسي، ماگني، فوسفور، تەمىر بار.

ءجۇزىم شىرىنى قاتەرلى ىسىك جاسۋشالارىنىڭ سانىن ازايتۋعا كومەكتەسەدى. قۇرامىندا ا مەن س دارۋمەندەرى، ۆ1-ۆ2, كومىرقىشقىل، ورگانيكالىق قىشقىلدار، كالي، كالتسي، ماگني جانە مارگانەتس بار. قارا ءتۇستى ءجۇزىمنىڭ شىرىنى جۇرەك اۋرۋلارىنىڭ الدىن الادى. اشىق ءتۇستى جۇزىمدە تەمىر كوپ. ول ادامنىڭ شارشاعانىن باسىپ، كۇش- جىگەرىن تولتىرادى. گاستريت، اسقازان جاراسى بار، ءارى قانت ديابەتىمەن اۋىراتىن ادامداعا بۇل شىرىندى ىشۋگە بولمايدى. بۇل شىرىندى ۇنەمى ىشەتىن ادامنىڭ اعزاسىندا حولەستەرين دەڭگەيى تومەندەپ، قانى ۇيىمايدى.

سابىزدە بەتا كاروتين كوپ. ول كوزدىڭ كورۋ قابىلەتىن جاقسارتادى. ءسابىزدىڭ قۇرامىنداعى ۆ توبىنىڭ دارۋمەندەرى تەرىنى جاقسارتىپ، يممۋنيتەتتى كوتەرەدى. الايدا، ءسابىزدى شىرىندى اپتاسىنا 2-3 رەتتەن ارتىق ىشپەگەن ءجون. بەتا كاروتيننىڭ كوپتىگى باۋىرعا ارتىق سالماق تۇسىرەدى ءارى تەرىنىڭ سارعىش تارتۋىنا سەبەپكەر.

الما شىرىنىنىڭ قۇرامىندا س دارۋمەنى، فوسفور، تەمىر، كالي تۇزى، ماگني، سينك، ورگانيكالىق قىشقىل بار. قاننىڭ قورىن تولتىرىپ، بۇيرەكتەگى تاستى ەرىتەدى. دارۋمەن قورىن تولتىراتىن جەمىستىڭ ءبىرى - الما. گاستريت پەن پانكرەاتيت اۋرۋلارىنا قارسى كورسەتىلىمى بار.

ورامجاپىراق شىرىنىندا س، رر دارۋمەندەرى، فولي مەن امين قىشقىلدارى، كالي، كالتسي، ناتري، ماگني، تەمىر بار. سونداي- اق، قۇرامىنداعى يود، كۇكىرت جانە حلور اسقازاننىڭ شىرىشتى قاباتى مەن اسقورىتۋ جۇيەسىن تازارتادى. تەرىنى تازارتىپ، ارتىق سالماق تاستاۋعا كومەكتەسەدى.

قىزاناق شىرىنى جۇرەك- قان تامىر اۋرۋىنا پايدالى، اسقورىتۋ جۇيەسىن جاقسارتادى. پاستەرلەنگەن قىزاناق شىرىنىندا بارلىق پايدالى قاسيەتتەرى ساقتالادى. قۇرامىنداعى س دارۋمەنى، كاروتين مەن ۆ توبىنداعى دارۋمەندەر بار. قىزاناق ىسىك اۋرۋلارىن بولدىرمايدى. شىرىنداعى سەروتونين ادامعا قۋانىش سىيلايدى، كۇيزەلىستەن كەيىن اعزانى قالپىنا كەلتىرەدى. قىزاناق شىرىننىڭ ايەلدەردىڭ جۇكتىلىك كەزىندە پايداسى مول.

انتيوكسيدانتقا مول انار شىرىنى اعزاعا وڭاي ءسىڭىپ، اسقازان جۇمىسىن جاقسارتادى. انتيوكسيدانت - ىسىك، جۇرەك- قان تامىرلارى اۋرۋلارىن بولدىرمايدى، قارتايۋدى باياۋلاتادى.

اسقاباق شىرىنى جۇرەك- قان تامىرلارى، باۋىر اۋرۋىندا، ۇيقى قاشقاندا مىڭ دا ءبىر ەم. قۇرامىنداعى ا، ك، ۆ، س، ە، D، رر دارۋمەندەرى اعازاداعى زات الماسۋدى قالىپقا كەلتىرەدى. سونداي اق اسقاباقتا تسينك، مينەرالدى تۇزدار، اقۋىز بەن مايلار، تەمىر بار. اسقازانىندا جاراسى بار ادامدارعا قارسى كورسەتىلگەن.

جاسىل جەمىستەردىڭ شىرىندارى (قيار، سەلدەرەي، بۇرىش) قاننىڭ قۇرامىنداعى قانتتىڭ دەڭگەيىن رەتتەپ وتىرادى، باۋىردى تازالاپ، ىسىك اۋرۋىمەن كۇرەسەدى. جۇيكە جۇيەسىن نىعايتىپ، ەستە ساقتاۋ قابىلەتىن جاقسارتادى.

قيار شىرىنى قىزىل يەكتىڭ قاناۋىن توقتاتادى. بەتتەگى بەزەۋدى ەمدەيدى. شاش پەن تىرناققا دا پايدالى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات