يتاليا قازاقستان ەكونوميكاسىنا قانشا ينۆەستيتسيا سالدى

نۇر- سۇلتان. قازاقپارات - قازاقستان مەن يتاليا اراسىنداعى ساۋدا- ەكونوميكالىق بايلانىس مۇمكىندىگى جوعارى. بۇل تۋرالى يتاليا سىرتقى ىستەر ءمينيسترىنىڭ ورىنباسارى مانليو دي ستەفانو ايتتى، دەپ حابارلايدى قازاقپارات ءتىلشىسى.

«ەكى ەل اراسىنداعى ەكونوميكالىق بايلانىس نىعايىپ كەلەدى. بىزدە ساۋدا- ەكونوميكالىق جانە ينۆەستيتسيالىق ىنتىماقتاستىقتى كەڭەيتۋدە زور مۇمكىندىكتەر بار» ، - دەيدى مانليو دي ستەفانو ەلوردادا وتكەن قازاقستان- يتاليا بيزنەس- فورۋمىندا.

ونىڭ ايتۋىنشا، بۇگىندە يتاليا قازاقستان ەكونوميكاسىنا 6,6 ميلليارد ا ق ش دوللارى كولەمىندە ينۆەستيتسيا سالعان.

«جالپى، قازاقستاندا يتاليانىڭ 270 گە جۋىق كومپانياسى جۇمىس ىستەيدى. 13 - جەلتوقساندا يتاليانىڭ ورتالىق ازيا ەلدەرىمەن ىنتىماقتاستىعى بويىنشا تاعى ءبىر جيىن وتەدى» ، - دەيدى ول.

ايتا كەتسە، اتالعان ءىس- شاراعا ەكى ەلدىڭ ىسكەر توپتارىنىڭ، ۇلتتىق كومپانيالاردىڭ، مەملەكەتتىك ورگانداردان 200 دەن استام وكىلى قاتىستى.