تالدىقورعاندا العاش رەت ۇلتتىق كيىمدەر بايقاۋى ءوتتى
ءبىرىنشى رەت ۇيىمداستىرىلىپ وتىرعان سايىسقا الماتى وبلىسىندا ۇلتتىق كيىم تىگەتىن شەبەرلەر قاتىستى، دەپ حابارلايدى قازاقپارات ءتىلشىسى.
الماتى وبلىستىق مادەنيەت باسقارماسى قولعا العان شارادا تىگىنشىلەر ۇلتتىق ناقىشتاعى ۇزدىك كيىمدەرىن جۇرت نازارىنا ۇسىندى. مۇنداعى باستى ماقسات ءوڭىر تۇرعىندارىنا ۇلتتىق كيىمدەردى كەڭىنەن ناسيحاتتاپ، كۇندەلىكتى كيىپ جۇرۋگە شاقىرۋ.
بالالار كوستيۋمدەرى، انشىلەر مەن بيشىلەرگە ارنالعان كويلەكتەر مەن كامزولدار، بەشپەتتەر مەن سپورتتىق جەڭىل كيىمنىڭ بارىندە قازاقتىڭ ويۋى مەن ورنەگى بار. بايقاۋدىڭ العاشقى كەزەڭىندە 10 ساۋساعىنان بال تامعان ىسمەر جاندار اۋداندىق دەڭگەيدە شەبەرلىگىن سىنادى.
مادەنيەت باسقارماسىنىڭ باسشىسى مارلەن كولبايەۆ بايقاۋدى ءداستۇرلى ەتىپ جانە ونىڭ اۋقىمىن كەڭەيتۋدى جوسپارلاپ وتىر.
«بيىلعى جىلى وبلىس كولەمىندە وتسە، كەلەسى جلى وسى بايقاۋدى رۋحاني جاڭعىرۋ باعدارلاماسى اياسىندا رەسپۋبليكا كولەمىندە وتكىزسەك دەپ جوسپارلاپ وتىرمىز. ەگەر قولداۋ تابىلاتىن بولسا ءبىز رەسپۋبليكا كولەمىندە وتكىزەمىز» ، - دەيدى باسقارما باسشىسى.