18:15, 13 - قاراشا 2019 | GMT +6
ەلباسى ءال- فارابي اتىنداعى قاز ۇ ۋ رەكتورىن قابىلدادى
نۇر-سۇلتان. قازاقپارات - ەلباسى نۇرسۇلتان نازاربايەۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆتى قابىلدادى. بۇل تۋرالى ق ر تۇڭعىش پرەزيدەنتىنىڭ رەسمي سايتىندا حابارلاندى.
كەزدەسۋ بارىسىندا ەلباسى جوعارى وقۋ ورنىن ودان ءارى دامىتۋدىڭ جانە حالىقارالىق بەدەلىن نىعايتۋدىڭ ماڭىزدىلىعىن اتاپ ءوتتى.
«ۋنيۆەرسيتەتتىڭ بەدەلىن كوتەرۋ ماڭىزدى. الدىمىزدا جوعارى وقۋ ورنىن زەرتتەۋ ورتالىعىنا اينالدىرۋ ماقساتى تۇر. ءبىلىم ساپاسى مەن پروفەسسورلىق- وقىتۋشىلىق قۇرامدى دايىنداۋ دەڭگەيىن ارتتىرۋعا نازار اۋدارۋ كەرەك. ءبىلىم الۋشىلاردىڭ جاعدايىن جاقسارتۋ ءۇشىن ستۋدەنتتىك جاتاقحانالار سالۋ جونىندە تاپسىرمالار بەرىلدى»،-دەدى قازاقستاننىڭ تۇڭعىش پرەزيدەنتى.
سونداي- اق، اڭگىمە بارىسىندا نۇرسۇلتان نازاربايەۆقا ءابۋ ناسىر ءال-فارابيدىڭ 1150 جىلدىق مەرەيتويىن اتاپ وتۋگە ارنالعان شارالاردىڭ دايىندىعى جونىندە مالىمەت بەرىلدى.