+7 (701) 759 90 19
-23 °С : نۇر-سۇلتان
-11 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

تۇركيالىق ساراپشى: جۋرناليستەر «وقىرماندى سەزدىرۋ» وپەراتسياسىن دۇرىس جۇرگىزۋى كەرەك

13 قاراشا 18:35
:ءبولىسۋ
تۇركيالىق ساراپشى: جۋرناليستەر «وقىرماندى سەزدىرۋ» وپەراتسياسىن دۇرىس جۇرگىزۋى كەرەك

نۇر- سۇلتان. قازاقپارات - تۇركيالىق «اۋەلى وتان» گازەتى اقپارات ءبولىمىنىڭ رەداكتورى كەمال ساللى جۋرناليستيكا تۋراسىندا وي- پىكىرىمەن ءبولىستى، دەپ حابارلايدى قازاقپارات ءتىلشىسى.

«جۋرناليستيكا سالاسىندا قىزمەت ەتكەنىمەن 58 جىل بولدى. وسى ارالىقتا باسپالاردا قازىرگى سيفرلىق جۇيەلەرگە دەيىنگى بارلىق تەحنولوگيالاردى، ءۇي تەلەفونىنان باستاپ تەلەفوتوعا دەيىنگى بارلىق ساندىق اقپاراتقا نەگىزدەلگەن زامانىمىزدىڭ بايلانىس قۇرالدارىن ۇيرەندىم. بۇگىن دە جۋرناليستيكانىڭ ءمانى مەن باعىت- باعدارى قاتتى وزگەردى. اقپاراتتىق اگەنتتىكتەر مەن قۇرىلىمدار قوعامدى اقپاراتتاندىرۋدان گورى بەلگىلى ءبىر ماقساتتا ىقپال ەتۋ ءۇشىن جۇمىس ىستەي باستادى. سوندىقتان، تاۋەلسىز جۋرناليستيكانىڭ جاعدايى كۇن وتكەن سايىن قيىنداپ كەلەدى» ، - دەدى كەمال ساللى بۇگىن قازاقستان حالقى اسسامبلەياسىنىڭ ۇيىمداستىرۋىمەن ەلوردادا وتكەن «باق جانە قوعامدىق كەلىسىم» فورۋمىندا.

ونىڭ ايتۋىنشا، جاھاندانۋ كەزەڭىندە، كولىك جانە بايلانىس تەحنولوگيالارى دامىعان ۋاقىتتا بولىپ جاتقان ءتۇرلى وقيعالاردىڭ استارىن زەرتتەۋ كەرەك.

«جۋرناليستەر كەز كەلگەن وقيعانىڭ تۇپكى مانىنە ءۇڭىلىپ، وقىرمان مەن كورەرمەنگە جەتكىزۋ ءۇشىن «سەزدىرۋ» وپەراتسياسىن دۇرىس جۇرگىزىپ، تەحنولوگيالاردى تولىق يگەرىپ الۋعا مىندەتتى. جۋرناليست رەتىندە بۇگىنگى تاڭدا ورىن العان جاھاندىق جاعدايلاردى باسقا قىرىنان كورسەتۋدە قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ تاجىريبەسىن تانىتۋ ءۇشىن بىرنەشە ماقالا دايىندادىم. سونداي- اق، ءدال وسى ءساتتى پايدالانىپ، انادولى تۇرىكتەرىنىڭ اتىنان العىس ايتقىم كەلەدى. وسىدان عاسىر بۇرىن تۇركيادا ۇلتتىق ازاماتتىق سوعىسى ءجۇرىپ جاتقان كەزدە مىڭداعان شاقىرىم قاشىقتىقتا ماعجان جۇماباي ۇلى تۇرىكتەرگە ارناپ، «الىستاعى باۋىرىنا» سالەم جولداعان بولاتىن. ونى ەشقاشان ۇمىتپايمىز. ءجۇل جىلدان كەيىن سىندارلى ساياسات ۇستانعان نۇرسۇلتان نازاربايەۆتىڭ باۋىرمالدىعىن دا ەشۋاقىتتا ەستەن شىعارمايمىز» ، - دەدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات