+7 (701) 759 90 19
-13 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ورازالين تىكۇشاقپەن اۋدان ارالاعانى جايىندا: جەردەن جەتى قويان تاپقانداي تالقىلايتىن نارسە ەمەس

13 قاراشا 15:50
:ءبولىسۋ
ورازالين تىكۇشاقپەن اۋدان ارالاعانى جايىندا: جەردەن جەتى قويان تاپقانداي تالقىلايتىن نارسە ەمەس

نۇر- سۇلتان. قازاقپارات - بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا اقتوبە وبلىسىنىڭ اكىمى وڭداسىن ورازالين اۋداندارعا تىكۇشاقپەن بارۋ سەبەبىن ءتۇسىندىردى، دەپ حابارلايدى قازاقپارات ءتىلشىسى.

باسپاءسوز ءماسليحاتىندا ب ا ق وكىلدەرى اكىمنەن مۇعالجار جانە بايعانين اۋداندارىنا تىكۇشاقپەن بارۋى الەۋمەتتىك جەلىدە قىزۋ تالقىلانعانىن جانە وسىعان قاتىستى پىكىرىن سۇرادى.

«مەنىڭ ويىمشا، بۇل - كۇندەلىكتى تاجىريبە. ودان تارتىنۋدىڭ قاجەتى جوق. ءبىز بارعاندا قاراتوبەدە ەكولوگيالىق اپات ورىن الىپ، مۇناي توگىلىپ جاتتى. ال مۇنداي توتەنشە جاعدايدا تىكۇشاقپەن ۇشۋعا مىندەتتى تۇردە بيۋدجەتتەن قاراجات بولىنەدى. ول جەرگە ماماندارمەن بىرگە باردىق. سول وڭىردەگى شالعاي اۋىلدارعا دا بارۋدى جوسپارلادىق. بۇل - جەردەن جەتى قويان تاپقانداي الەۋمەتتىك جەلىدە تالقىلايتىن ماسەلە ەمەس»، - دەدى وبلىس باسشىسى.

و. ورازالين ەلدى مەكەندەردەگى پروبلەمالاردى ءوز كوزىمەن كورىپ، قۇلاعىمەن ەستۋ ءۇشىن دەمالىس كۇندەرى كولىكپەن اۋىلدارعا بارىپ تۇراتىنىن ايتتى.

«ال ەندى ءبىر توتەنشە جاعداي ورىن السا، وندا دەرەۋ شارا قولدانۋ ءۇشىن تىكۇشاقپەن ۇشىپ بارۋعا دا دايىنمىن»، - دەدى ول.

اۆتور مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات