عالىمدار ىقىلىقتاۋدىڭ ادام اعزاسىنا قاجەتتىگىن انىقتادى
بۇل شەشىمگە لوندوننىڭ ۋنيۆەرسيتەتتىك كوللەدجىنىڭ عالىمدارى كەلىپتى.
«ىقىلىقتاۋ ارقىلى بالا تىنىس الۋىن رەتتەپ ۇيرەنەدى ەكەن. ول كەزدە اعزانىڭ تىنىس الۋ بۇلشىق ەتتەرى جۇمىس ىستەيدى. ياعني، ەڭ العاشقى ىقىلىقپەن بىرگە نارەستە كوكەت قۋىسىن دەم العان كەزدە باقىلاۋىندا ۇستاپ ۇيرەنەدى» ، - زەرتتەۋ ءۇردىسىن باسقارعان لورەنتسو فابريتسي.
ماماندار زەرتتەۋدى جاڭادان تۋعان بالالاردىڭ ميىن سكانەردەن وتكىزۋ ارقىلى جۇرگىزگەن. بالاعا ىقىلىق تيگەن كەزدە ونىڭ ميىندا نەيروندىق تولقىندار انىقتالعان.
سونىمەن قاتار عالىمدار بالانىڭ ىقىلىقتاۋى انانىڭ قۇرساعىندا باستاۋ الاتىنىن ايتقان. ياعني، اعزانىڭ بۇل رەفلەكسى ەرتە باستان قالىپتاساتىن فۋنكسيالاردىڭ ءبىرى ەكەن.
ەگەر بالالار ىقىلىقتاۋ ارقىلى دەمالۋدى ۇيرەنسە، ال ەرەسەكتەرگە ونىڭ قانداي قاجەتتىلىگى بار ەكەنى بەلگىسىز كورىنەدى.