+7 (701) 759 90 19
-6 °С : نۇر-سۇلتان
2 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

المازبەك اتامبايەۆ قوي-تاش وقيعاسىندا ۇستالعان جاقتاستارىن بوساتۋدى تالاپ ەتتى

13 قاراشا 14:48
:ءبولىسۋ
المازبەك اتامبايەۆ قوي-تاش وقيعاسىندا ۇستالعان جاقتاستارىن بوساتۋدى تالاپ ەتتى

نۇر-سۇلتان. قازاقپارات – قىرعىزستاننىڭ بۇرىنعى پرەزيدەنتى المازبەك اتامبايەۆ 7-8- تامىزداعى قوي-تاش وقيعاسى بويىنشا قاماۋعا الىنعانداردى بوساتۋعا شاقىردى.

اتامبايەۆتىڭ مۇنداي مالىمدەمەسى 13- قاراشادا جاريالاندى.

اتامبايەۆتىڭ مالىمدەمەسىندە قوي-تاش وقيعاسى كەزىندە ءوزىن جاقتاعانداردى قاماۋ تۋرالى شەشىم «قورقىتۋ جانە ۇندەمەۋگە ماجبۇرلەۋ» ماقساتىندا قابىلدانعان.

- بيلىك ول ادامداردىڭ جازىعى جوقتىعىن وتە جاقسى بىلەدى. سۇراقتارى بولسا ماعان قويسىن، مەنى سوتتاسىن. قازىرگى بيلىك تۇرعاندا بارىنە دايىنمىن. ءبىراق 7-8- تامىزداعى وقيعانى جەلەۋ ەتىپ قامالعانداردىڭ ءبارى بوساتىلۋى كەرەك. ولاردىڭ جازىعى ادىلەتكە، قىرعىزستان كونستيتۋتسياسى مەن زاڭدارىنا سەنگەندىگىندە عانا، - دەيدى اتامبايەۆ.

بيىل 7-8- تامىزدا قىرعىزستاننىڭ شۋ وبلىسىنىڭ الامۋدۋن اۋدانىنداعى قوي-تاش اۋىلىندا «بۇرىنعى پرەزيدەنت المازبەك اتامبايەۆتى تەرگەۋگە ماجبۇرلەپ اكەلۋ شاراسى» جۇرگىزىلگەن ەدى. وقيعا كەزىندە ونداعان ادام زارداپ شەكتى. ارناۋلى قىزمەتتىڭ التى ادامى كەپىلگە الىنىپ، اتامبايەۆتىڭ ۇيىندە 20 ساعاتتان استام ۇستالدى. قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ قىزمەتكەرى ۇسەنبەك نيازبەكوۆ وق ءتيىپ قازا بولدى، شۋ وبلىسى پوليتسياسىنىڭ باسشىسى سامات قۇرمانقۇلوۆ باسىنان جاراقاتتاندى.

اتامبايەۆتىڭ ءبىرقاتار جاقتاستارى، بۇرىنعى دەپۋتات اسەل كودۋرانوۆا مەن يرينا كارامۋشكينا، ەكس-دەپۋتات راۆشان جەەنبەكوۆ، اتامبايەۆتىڭ بۇرىنعى كەڭەسشىسى قۇندىز جولدۋبايەۆا، قىرعىزستان م ۇ ق ك- ءنىڭ بۇرىنعى ءتوراعاسى ءابدىل سەگىزبايەۆتار قاماۋعا الىنعان.

15- قازاندا باتۋكايەۆتى زاڭسىز بوساتۋ ءىسى بويىنشا سوتتىڭ الدىن الا تىڭداۋى وتكەن. قاماۋدا وتىرعان المازبەك اتامبايەۆ سوتقا قاتىسۋدان باس تارتقان. سوت وتىرىسى 15- قاراشادا باستالادى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات