قولما-قول اقشاسىز تولەمدەردى تەكسەرۋ ۇسىنىسى تالقىلانۋدا - ۇلتتىق بانك
«مەنىڭ ويىمشا، قارجى مينيسترلىگى اقشا اۋدارىمدارىنا (قولما-قول اقشاسىز تولەمدەر) سالىق سالۋدى كوزدەپ وتىرعان جوق، بۇل تۇرعىدا وسى تولەمدەردەن سالىق تولەنىپ جاتقانىن كورگىسى كەلەدى. سوندىقتان بۇل ماسەلە بويىنشا ۇلتتىق بانك پەن قارجى مينيسترلىگى ءتيىستى شارالاردى بىرلەسە ىسكە اسىرىپ جاتىر. قولما-قول اقشاسىز تولەمدەر كولەمىنىڭ ارتۋى بيۋجەت كىرىسىنىڭ وسۋىمەن قاتار ءجۇرۋى كەرەك»، - دەدى ۇ ب ءتوراعاسى.
وسى ورايدا ول بۇل ءۇردىس دۇرىس ەكەنىن، سەبەبى اقشا «كولەڭكەلى» اينالىمنان شاعارىلاتىنىن اتاپ ءوتتى.
«اتاپ ايتقاندا، «كولەڭكەلى» ەكونوميكانى ازايتۋ بويىنشا ءبىزدىڭ بىرلەسكەن جۇمىسىمىز وڭتايلى ناتيجەلەرمەن سۇيەمەلدەنگەنىن قالايمىز. جالپى، بۇل تۇرعىدا قارجى مينيسترلىگى ءتيىستى ۇسىنىستى جاسادى، سايكەسىنشە، بۇل تاقىرىپتى قازىر تالقىلاپ جاتىرمىز.
وسى تالقىلاۋعا بانكتىك قوعامداستىق تا قاتىسىپ جاتىر»، - دەدى ەربولات دوسايەۆ. بۇل تۇرعىدا ۇ ب باسشىسى بۇگىندە ەلىمىزدەگى بانكتەردىڭ ءبىرى جۇيە ىشىندەگى تولەمدەر بويىنشا ەڭ وزىق قادامداردى ەنگىزىپ جاتقانىن اتاپ ءوتتى.
وسى رەتتە بانك قارجى مينيسترلىگىمەن ارنايى تەرمينالداردى ەنگىزۋگە قاتىستى ماسەلەنى پىسىقتاۋعا دايىن ەكەنىن جاريالادى.