ءبىرىڭعاي ۆاليۋتالىق وداق قۇرۋ قاراستىرىلعان ەمەس - ەربولات دوسايەۆ
«كەلىسىمدە ەكونوميكالىق وداقتى قۇرۋ يدەياسى نەگىز بولعانى ناقتى كورسەتىلگەن، ياعني ۆاليۋتالىق وداقتى قۇرۋ مۇلدەم ەسكەرىلمەگەن. بۇل ءبىرىڭعاي ۆاليۋتاعا قاتىستى قاۋەسەت قايتا-قايتا پايدا بولۋدا، وسىعان بايلانىستى سۇراقتاردى ءتۇرلى فورمادا مەنىڭ وزىمە دە قويىپ جاتادى. اتاپ ايتقاندا، ءبىرىڭعاي ۆاليۋتالىق وداقتى، ءبىرىڭعاي ۆاليۋتانى قۇرۋ كەلىسىمدە قاراستىرىلماعان»، - دەپ ناقتىلادى ە. دوسايەۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.
وسى ورايدا ول ە ا ە و- عا مۇشە ءاربىر ەل اقشا-نەسيەلىك ساياساتى ماسەلەلەرىندە دەربەس ەكەنىن اتاپ ءوتتى.
«سوندىقتان تۇتاس قارجىلىق تاۋەلسىزدىك ەۋرازيالىق ەكونوميكالىق وداقتىڭ ءاربىر قاتىسۋشىسىندا جەكەلەي ساقتالادى»، - دەپ اتاپ ءوتتى ول.
بۇدان بۇرىن حابارلانعانداي، پارلامەنت ءماجىلىسىنىڭ جالپى وتىرىسىندا «ەۋرازيالىق ەكونوميكالىق وداققا مۇشە مەملەكەتتەردىڭ قارجى نارىعى سالاسىنداعى زاڭناماسىن ۇيلەستىرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى.