قازاقستانداعى بانكتەر پايىزدىق ستاۆكاسىن قاشان تومەندەتەدى؟
بۇل تۋرالى ق ر ۇلتتىق بانك ءتوراعاسى ەربولات دوسايەۆ ءمالىم ەتتى، دەپ حابارلايدى قازاقپارات ءتىلشىسى.
«بۇگىن تالقىلاعان كەلىسىم اياسىندا نارىقتاعى كەدەرگىلەردى جويۋ تۋرالى قادامدار قاراستىرىلعان. بۇل ءوز كەزەگىندە باسەكەلەستىكتى دامىتۋعا جانە بانكتىك سەكتور تاراپىنان سەرۆيستى جاقسارتۋعا جاعداي جاسايدى. نارىقتاعى قاتىسۋشىلار الاڭىنىڭ كەڭەيۋى الداعى ۋاقىتتا تاريفتەردىڭ، كوميسسيا تالاپتارىنىڭ جانە پروتسەنتتىك ستاۆكالاردىڭ تومەندەۋىن بىلدىرەدى»، - دەدى ەربولات دوسايەۆ ماجىلىستە تىلشىلەر ساۋالىنا جاۋاپ بەرە وتىرىپ.
بۇدان بۇرىن حابارلانعانداي، پارلامەنت ءماجىلىسىنىڭ جالپى وتىرىسىندا «ەۋرازيالىق ەكونوميكالىق وداققا مۇشە مەملەكەتتەردىڭ قارجى نارىعى سالاسىنداعى زاڭناماسىن ۇيلەستىرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى.
«ورتاق قارجى نارىعىن قۇرۋ بانك، ساقتاندىرۋ سەكتورىندا جانە باعالى قاعازدار نارىعىنداعى قىزمەت كورسەتۋ سەكتورىندا ليتسەنزيالاردى ءوزارا تانۋدى، قارجى نارىقتارىنا كەمسىتۋشىلىكسىز كىرۋدى قامتاماسىز ەتۋدى، مەملەكەتتىك رەتتەۋدى جەتىلدىرۋدى جانە قارجى نارىقتارىندا باقىلاۋ مەن قاداعالاۋدى جۇزەگە اسىرۋدى كوزدەيدى»، - دەدى ق ر ۇلتتىق بانك ءتوراعاسى.