كرەمل نازاربايەۆتىڭ ۇسىنىسىنا قاتىستى جاۋاپ بەردى
پەسكوۆتىڭ ايتۋىنشا، رەسەي فەدەراتسياسىنىڭ باسشىسى نۇرسۇلتان نازاربايەۆتىڭ ەكى ەل اراسىن جاقسارتۋداعى ەرەن ەڭبەگىن جوعارى باعالايدى.
باسپا ءسوز حاتشىسىنىڭ سوزىنە سۇيەنگەن باسىلىمنىڭ مالىمەتىنشە، رەسەيلىك كوشباسشى قازاقستاندا وتەتىن كەزدەسۋدەن باس تارتپايدى. الايدا ءدال قازىرگى ۋاقىتتا كرەمل «نورماندىق فورماتتاعى» كەزدەسۋگە دايىندالىپ جاتىر.
پەسكوۆ «كەزدەسۋ ءۇشىن كەزدەسۋدىڭ» ناتيجەلى بولۋى ەكىتالاي ەكەنىن، سوندىقتان وعان مۇقيات دايىندالۋ قاجەتتىلىگىن ايتتى.
ول ۋكراينا مەن رەسەي باسشىلارىنىڭ ديالوگى بولۋى ءۇشىن ەكى تاراپ مينسك كەلىسىمىندە بەلگىلەنگەن مىندەتتەمەلەردى ورىنداۋى كەرەك دەپ اتاپ ءوتتى.
رەسەيلىك باسپا ءسوز حاتشىسىنىڭ سوزىنشە، پۋتين ماسكەۋ مەن كيەۆ اراسىنداعى بايلانىستى قالپىنا كەلتىرۋدى جاقتايدى.
ەسكە سالا كەتسەك، ەلباسى رەسەي مەن ۋكراينا اراسىن جاقسارتۋ ءۇشىن كوزبە-كوز سويلەسۋدى ۇسىنعان بولاتىن.