11:15, 13 - قاراشا 2019 | GMT +6
اسا ءىرى مۇناي كەن ورنى تابىلدى
نۇر-سۇلتان. قازاقپارات - يران پرەزيدەنتى حاسان رۋحاني ەلدىڭ وڭتۇستىگىندە اسا ءىرى مۇناي كەن ورنى تابىلعانىن ءارى وسىعان وراي اتالمىش كەن ورنىنداعى مۇناي كەنىشى ەلدەگى دالەلدەنگەن مۇناي قورىن ۇشتەن بىرىنە ارتتىراتىنىن مالىمدەدى.
بۇل جايىندا يراننىڭ Fars اقپارات اگەنتتىگى حابارلادى. يراننىڭ وڭتۇستىگىندە ورىن تەپكەن حۋزەستان پروۆينسياسى اۋماعىنان تابىلعان مۇناي كەنىشىنىڭ جالپى اۋدانى 24 شارشى شاقىرىمعا جەتەدى. يراننىڭ دالەلدەنگەن 150 ميلليارد باررەل مۇناي قورى تاعى 53 ميلليارد باررەل مۇنايمەن تولىعاتىن بولادى.
وسىلايشا پارسىلار ەلى الەم بويىنشا بارلانعان مۇناي قورى جاعىنان ءتورتىنشى ورىننان كورىنسە، تابيعي گاز قورى جونىنەن ەكىنشى ورىنعا تابان تىرەگەن ەل. وسى جولعى تابىلعان مۇناي كەنىشى 65 ميلليارد باررەل مۇناي قورى بار اھباز مۇناي كەنىشىنەن كەيىنگى اسا ءىرى كەن ورنى بولىپ تۇر.
islam.kz