+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ءسۇيۋدىڭ قيامەتى

13 قاراشا 09:58
:ءبولىسۋ
ءسۇيۋدىڭ قيامەتى

نۇر-سۇلتان. قازاقپارات - سۇيىكتى ادام ءبىزدى ەشتەڭەدەن قۇتقارا المايدى: ول قۇتقارۋعا ءتيىستى دە ەمەس.

كوپ ادام وزىنە جۇپتى باسىنداعى قيىندىقتان قۇتىلۋ ءۇشىن ىزدەيدى. ماحاببات ولاردى ءىش پىسۋ، تورىعۋ، مانسىزدىكتەن قۇتقارادى دەپ اداسادى. سەرىگى ومىرىندە ورىن العان بوس كەڭىستىكتى تولتىرادى دەپ سەنەدى.

بارىپ تۇرعان اداسۋشىلىق!

وزىمىزگە جۇپ تاڭداعان كەزدە وسىنداي ءبىر ويدىڭ جەتەگىندە كەتسەك، اقىر اياعى ءۇمىتىمىزدى اقتاماعان ادامعا دەگەن جەك كورۋشىلىكتەن قۇتىلا الماي قالامىز. سوسىن؟ سوسىن كەلەسى ماحابباتتى كۇتەمىز. ودان كەيىن كەلەسىسىن، وسىلاي جالعاسا بەرەدى.. . نەمەسە قالعان ءومىرىمىزدى جالعىزدىقتا وتكىزۋگە بەل بايلايمىز. قاتال تاعدىرعا جابا سالامىز.

مۇنداي بولماس ءۇشىن ءوز ومىرىمىزگە تەرەڭىرەك ۇڭىلە بىلەيىك، سوندا العاشقى قاتەلىكتەن ساباق الۋعا مۇمكىندىك تۋادى. ءبىز ءۇشىن ءبىزدىڭ ءومىردى ەشكىم تۇزەپ بەرمەيدى. تۇزەۋگە ءتيىستى ەمەس.

وزگەنىڭ ومىرىنە ساراپتاما جاساۋدىڭ قاجەتى جوق. ودان دا ورتاق ىسكە قاتار قاتىساتىن ادام تاۋىپ، سونىمەن ۋاقىت وتكىزىپ، كوڭىل كوتەرىپ، وسۋگە، دامۋعا تالپىنۋ كەرەك. تەك ءومىرىڭىزدى وزگەرتۋگە تىرىسپاڭىز. ءىش پىسۋدان ءدارى ىزدەمەڭىز.

ماحاببات بارلىق قيىندىقتان قۇتقارادى، بار جاماندىقتان ساقتايدى، باقىت سىيلايدى، سەنىم بەرەدى دەگەن وي تەك ادامدى ەلەسكە يلاندىرىپ، شىن ماحابباتتان اداستىرادى.

قارىم- قاتىناستى يدەالدى ەتىپ قيالداۋ ەمەس، رەالدى باعالاپ قاراستىرۋ كەرەك. سوندا ومىردەگى كوپ قاتەلىككە كوز اشىلادى. سوندا سۇيگەن ادامىڭنىڭ جانىندا ءوزىڭنىڭ قانشالىقتى اشىلا تۇسەتىنىڭدى بىلەسىڭ.

قارىم- قاتىناستى باس ساۋعالايتىن جەر دەپ تۇسىنبەڭىز. ودان دا بويىڭىزداعى وسى ۋاقىتقا دەيىنگى ۇيىقتاپ كەتكەن سەزىمدەردىڭ ويانۋىنا جول بەرىڭىز. العا قاراي باعىتتى ايقىنداپ جىلجىڭىز، ءبىر ورىندا تۇرا بەرۋگە بولمايدى، وزگەرىپ، دامۋعا تىرىسىڭىز.

ءبىر- ءبىرىن جاقسى كورگەن ادامداردىڭ قارىم- قاتىناسى وركەندەۋ ءۇشىن بۇل نارسەگە باسقا جاعىنان قاراپ كورگەن ابزال. ءوز ساناڭىزدى بيىكتەتۋدىڭ ءبىرقاتار مۇمكىندىگى دەپ قاراستىرساق، بۇرىن تۇسىنبەگەن شىندىقتى كورۋگە، تۇلعا بولۋعا جول اشىلادى.

وزگەدەن جۇبانىش ىزدەمەيتىن تولىققاندى ەرەسەك ادامعا اينالعان كەزدە بارىپ ءدال وسىنداي تۇلعالىق بەينەسى جوعارى جانمەن تابىساسىز. ول ءسىزدىڭ، ءسىز ونىڭ بويىنداعى بارىنا قاناعات ەتەسىز.

جۇپتاعى قارىم-قاتىناستىڭ بار ءمانى وسى عانا. جۇپ بولۋ - «قۇتقارىلۋ» ەمەس، تەك «كەزدەسۋ». نەمەسە، «كەزدەسۋلەر».

ەگەر ەكى ادام ءبىر-ءبىرىن سۇيسە، وندا وي-پىكىرلەرى دە ەگىز بولۋى ءتيىس دەگەن ويدان اۋلاق بولعان ءجون. باسقا ادامدى جاقسى كورۋ - ءدال سول سياقتى ويلاۋ دەگەن ءسوز ەمەس. نەمەسە ونى وزىڭنەن بيىك قويۋ ەمەس. ماحابباتتىڭ ماعىناسى - ءوزارا سىيلاستىق. باستىسى - كوكىرەك كوزىڭ اشىق تۇردە ءسۇيۋ.

ەگەر سولاي ءسۇيۋ قولدان كەلسە، ءبىر باعىتتا ءومىر ءسۇرۋ جەڭىلدەيدى. ورتاق كورسەتكىشكە جەتۋگە بولادى. ەكى ادام ءوزارا ەڭ باستى كەلىسىمگە كەلگەنى. مەن سەنى وسى كۇيىڭدە قابىلدايمىن. سەن دە مەنى وسى كۇيىمدە قابىلدايسىڭ.

ءوزارا ءبىر- ءبىرىن سول كۇيىندە قابىلداي الۋ، ادامداردى ەركىندىگىنەن ايىراتىن تۇساۋدان قۇتقارادى. سەزىمگە ەرىك بەرەدى. سەرىگىمىزدىڭ ومىرلىك قۇندىلىقتارى وزىمىزگە ماعىنالى بولا باستاعان ساتتە ونىڭ ءومىر ءسۇرۋ داعدىسىنا تەرەڭ ءمان بەرەتىن بولامىز.

ءار ادام - ءبۇتىن ءبىر الەم. ءسۇيۋ دەگەن - بوتەن ادامدى بۇكىل ونىڭ ءومىر ءسۇرۋ قۇندىلىق جۇيەسىمەن قابىلداۋ دەگەن ءسوز. مىنەزىن، ادەتىن، ەرەكشەلىگىن قابىلداۋ. ونى وزگەرتۋگە تالپىنباۋ. بۇل ۇلكەن ەڭبەك. وتە اۋىر. كومەكشىسى جوق قارا جۇمىس. ويتكەنى، وزگەنى قابىلداۋ ءوزىڭدى قابىلداۋدان باستالماق.

حورحە بۋكاي «كوكىرەك كوزىڭدى اشىپ ءسۇي».


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات