جەتىسايدا زاعيپتارعا قۇرمەت كورسەتىلدى

جەتىساي. قازاقپارات - تۇركىستان وبلىسى، جەتىساي اۋدانىندا 13 -قاراشا - حالىقارالىق زاعيپتار كۇنىنە وراي مەرەكەلىك ءىس-شارا بولىپ ءوتتى، دەپ حابارلايدى قازاقپارات ءتىلشىسى.

ءىس-شاراعا اۋدان اكىمى جامانتاي بەيسەنبايەۆ پەن وبلىستىق زاعيپتار قوعامى ءتوراعاسىنىڭ ورىنباسارى جاندار جانايەۆ، اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ءادىلحان ءابجانوۆ پەن «NurOtan» پارتياسى جەتىساي اۋداندىق فيليالى ءتوراعاسىنىڭ ءبىرىنشى ورىنباسارى ءادىلحان اساۋوۆ قاتىستى.

اۋدان باسشىسى شارانىڭ ماڭىزدىلىعىنا توقتالىپ، ونىڭ وتۋىنە دەمەۋشىلىك جاساعان كاسىپكەر ازاماتتارعا العىس حاتتار تابىس ەتتى. دەمەۋشىلەر ەسەبىنەن مەرەكەلىك تارتۋلار جاسالىپ، قۇرمەت كورسەتىلدى.

شارا بارىسىندا اۋدان ونەرپازدارى مەرەكەلىك كونتسەرتتىك باعدارلامالارىن ۇسىنىپ، كوتەرىڭكى كوڭىل- كۇي سىيلادى. ايتا كەتەيىك، بۇگىندە جەتىساي اۋداندىق جۇمىسپەن قامتۋ جانە الەۋمەتتىك باعدارلامالار بولىمىندە 170 زاعيپ ەسەپتە تۇرادى.

اۆتور: اينۇر اقبايەۆا