«استانا وپەرا» مۋزىكانتتارى رەسەيدىڭ ۇلكەن تەاترىندا ونەر كورسەتتى
تانىمال قازاقستاندىق مۋزىكانتتار «ۆيدەت مۋزىكۋ» ءتورتىنشى مۋزىكالىق تەاتر فەستيۆالىنىڭ جابىلۋىنا ارنالعان گالا-كونسەرت پەن مۋزىكالىق تەاتردىڭ اتاقتى قايراتكەرلەرىنە «لەگەندا» سىيلىعىن سالتاناتتى تابىس ەتۋ راسىمىنە قاتىستى.
سونداي-اق بۇل كەشتە رەسەيدىڭ مۋزىكالىق تەاترلارىنىڭ ارتىستەرى مەن جاقىن شەتەلدەن كەلگەن مۋزىكالىق تەاتر قاۋىمداستىعىنىڭ مۇشەلەرى ونەر كورسەتتى.
ن. ساتس اتىنداعى مەملەكەتتىك اكادەميالىق بالالارعا ارنالعان مۋزىكالىق تەاتردىڭ سيمفونيالىق وركەسترىمەن بىرگە ابزال مۇحيتدين مەن باعدات ءابىلحانوۆ اتاقتى اسپاپتىق شىعارمالار - ج. ماسسنەنىڭ «تايس» وپەراسىنان «مەديتاتسيا» جانە ا. ۆيۆالديدىڭ «جىل مەزگىلدەرى» توپتاماسىنان «جاز» وركەستر مەن سكريپكاعا ارنالعان №2 -كونسەرتىنەن، سول مينور «نايزاعايدى» ورىندادى. تالعامپاز ماسكەۋلىك تىڭدارمان تانىمال كلاسسيكالىق تۋىندىلاردىڭ شابىتتانعان ينتەرپرەتاتسياسىن، ب. ءابىلحانوۆتىڭ سكريپكاداعى كەرەمەت ويىنىن، ماەسترو ا. ءمۇحيتديننىڭ كاسىبيلىگى مەن تاماشا ديريجەرلىك شەبەرلىگىن جوعارى باعالادى.
«وسىناۋ ايتۋلى ساحنادا ونەر كورسەتۋ ءبىز ءۇشىن ۇلكەن قۇرمەت ءارى قۋانىش. شاقىرتۋ ءۇشىن فەستيۆال ۇيىمداستىرۋشىسىنا شەكسىز العىسىمىزدى بىلدىرەمىز. سونىمەن قاتار ىستىق ىقىلاسپەن، زور قوشەمەتپەن قابىل العان رەسەيلىك تىڭدارمانعا راحمەت ايتامىز»، - دەدى ابزال مۇحيتدين.
