توعىز جاسار بالا ۋنيۆەرسيتەت ديپلومىن العان الەمدەگى ەڭ جاس تۇلەك اتانباق
وسىلايشا ول جوعارى وقۋ ورنىنىڭ ديپلومىن العان ەڭ جاس تۇلەك اتانباق، دەپ جازادى BBC.
ازىرشە بۇل اتاق 10 جاسىندا الاباما ۋنيۆەرسيتەتىن بىتىرگەن امەريكالىق مايكل كارنيگە تيەسىلى.
لوران سيمونس ەلەكتروتەحنيكا فاكۋلتەتىندە وقيدى. ۋنيۆەرسيتەتكە ول نەبارى ءبىر جىل بۇرىن تۇسكەن. ال وعان دەيىن ورتا جانە جوعارى سىنىپ وقۋشىلارى مەڭگەرۋى ءتيىس التى جىلدىق ءبىلىم باعدارلاماسىن 1,5 جىل ىشىندە مەڭگەرىپ، 8 جاسىندا ورتا ءبىلىم العانى جونىندە اتتەستاتقا قول جەتكىزگەن.
جازعى دەمالىستان كەيىن ول ۋنيۆەرسيتەتتە ءبىلىمىن جالعاستىردى. مۇندا دا جاس تالانت وقۋ باعدارلاماسىن وزىمەن ءبىر توپتا وقيتىن ستۋدەنتتەردەن جىلدامىراق مەڭگەرىپ كەتتى.
بالانىڭ IQ- ءى — 145، ول كەرەمەت ەستە ساقتاۋ قابىلەتىنە يە. لوراننىڭ ايتۋىنشا، ونىڭ سۇيىكتى ءپانى — ماتەماتيكا، سەبەبى ول ستاتيستيكا، گەومەتريا جانە الگەبرانى قامتيدى.
زەيىندى جاس بولاشاقتا كارديوحيرۋرگ بولعىسى كەلەدى. ول مەكتەپتە وقىپ جۇرگەن كەزىندە امستەردام ۋنيۆەرسيتەتى مەديتسينالىق فاكۋلتەتىنىڭ مەديتسينا كۋرسىن وقىپ العان ەكەن.
لوراننىڭ اناسى بەلگيادا تۋعان، ال اكەسى گوللانديالىق ازامات. ءوزى بەلگيادا ومىرگە كەلگەن. قازىر وتباسىمەن نيدەرلاندىدا تۇرادى.