08:14, 13 - قاراشا 2019 | GMT +6
قىتايدا ءوتىپ جاتقان قازىرگى بەسسايىستان قازاقستاندىقتار قولا مەدال جەڭىپ الدى
ۋحان. قازاقپارات - قازىرگى بەسسايىستان قىتايدىڭ ۋحان قالاسىندا ءوتىپ جاتقان ليتسەنزيالىق ازيا چەمپيوناتىندا قازاقستاندىق سپورتشىلار العاشقى جۇلدەگە قول جەتكىزدى، دەپ حابارلايدى قازاقپارات.
ق ر ۇلتتىق وليمپيادالىق كوميتەتىنىڭ اقپاراتىنا سايكەس، پاۆەل يلياشەنكو، ۆلاديسلاۆ سۋحاريەۆ جانە ۆلاديسلاۆ ميشەنكو ۇشتىگى 4284 ۇپايمەن ازيا بىرىنشىلىگىنىڭ قولا مەدالىن يەلەندى. التىن جۇلدەنى وڭتۇستىك كورەيا (4416)، كۇمىستى قىتاي (4407) سپورتشىلارى الدى.
ايتا كەتەيىك، جەكەلەي سىندا ءتورتىنشى ورىننان كورىنگەن پاۆەل يلياشەنكو 2020-جىلعى توكيو وليمپياداسىنا جولداما العان بولاتىن.