كوكتايعاق، بۇرقاسىن، جەل - سارسەنبىگە ارنالعان اۋا رايى بولجامى

None
None
نۇر-سۇلتان. قازاقپارات - سەيسەنبى كۇنى ەلىمىزدىڭ باسىم بولىگىندە اۋا رايى قۇبىلمالى بولادى، دەپ حابارلايدى قازاقپارات قازگيدرومەتكە سىلتەمە جاساپ.

«اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە قۇبىلمالى اۋا رايى كۇتىلەدى، باتىستىڭ، سولتۇستىك-باتىستىڭ كەي جەرلەرىندە جاڭبىر جانە قار، سولتۇستىكتە جانە شىعىستا قار جاۋادى، تەك وڭتۇستىكتە جانە وڭتۇستىك-شىعىستا انتيتسيكلون شوعىرىنىڭ اسەرىنەن كۇن رايى اشىق بولادى. كەي جەرلەردە تۇمان كۇتىلەدى، جەل كۇشەيەدى، سولتۇستىك پەن شىعىستىڭ كەي جەرلەرىندە كوكتايعاق بولىپ، جاياۋ بۇرقاسىن سوعادى»، دەلىنگەن حابارلامادا.

اقمولا، سولتۇستىك قازاقستان وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، اقمولا وبلىسىندا جەل 15-20 م/س كۇشەيەدى.

شىعىس قازاقستان، قوستاناي وبلىستارىنىڭ كەي جەرلەرىندە كوكتايعاق كۇتىلەدى، جەل 15-20 م/س كۇشەيەدى، شىعىس قازاقستان وبلىسىندا بۇرقاسىن سوعادى، قوستاناي وبلىسىندا تۇمان ءتۇسۋى ىقتيمال.

الماتى وبلىسىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى، كۇندىز جالاڭاشكول اۋدانىندا جەل 15-20 م/س كۇشەيەدى.

جامبىل وبلىسىنىڭ كەي جەرلەرىندە تۇمان تۇسەدى، تۇندە جانە تاڭەرتەڭ جەل 15-20 م/س كۇشەيەدى.

تۇركىستان وبلىسىنىڭ كەي جەرلەرىندە جەل 15-20 م/س كۇشەيەدى.

قىزىلوردا، ماڭعىستاۋ، اتىراۋ، باتىس قازاقستان، پاۆلودار، تۇندە جانە تاڭەرتەڭ قاراعاندى وبلىستارىنىڭ كەي جەرلەرىندە تۇمان ءتۇسۋى ىقتيمال.

سوڭعى جاڭالىقتار