اشۋدى جەڭۋ جولدارى

نۇر-سۇلتان. قازاقپارات - كوپتەگەن ادام اشۋىن دەر كەزىندە بيلەي الماعاندىقتان، جاقىندارىن رەنجىتىپ الادى. اشۋشاڭدىق قوعاممەن قارىم- قاتىناسىڭىزعا زيانىن تيگىزۋى مۇمكىن. سول سەبەپتى ونى بيلەۋدىڭ جولدارىن جادىڭىزدا ساقتاڭىز.

1. ەگەر بىرەۋ ءسىزدى ىزالاندىرسا، اشۋ بويىڭىزدى بيلەپ المايىنشا بولمەدەن شىعىپ كەتىڭىز. ەموتسيانى بيلەۋ كەز كەلگەننىڭ قولىنان كەلەدى، سوندىقتان «اشۋعا بەرىلدىم» دەگەن ءسوز بوس سىلتاۋ. اۋىر سوزدەردى ايتىپ تاستاماۋ ءۇشىن جۇيكەڭىزدى توزدىراتىن ادامنان الىس كەتىڭىز.

2. جاعدايعا باسقا جاعىنان قاراۋعا تىرىسىڭىز. نەگە اشۋ، ىزا ءسىزدىڭ ارەكەتىڭىزدى، سوزدەرىڭىزدى بيلەيدى؟ نەگىزىندە، ەموتسيا ادامدى ەمەس، ادام ەموتسياسىن بيلەي ءبىلۋى كەرەك. وسىنى تۇسىنە ءبىلىڭىز.

3. رەنىش بىلدىرۋدەن بۇرىن ىشىڭىزدەن ونعا دەيىن ساناپ الىڭىز. بۇل ۋاقىت ءوزىڭىزدى قولعا الىپ، ساباعا ءتۇسۋ ءۇشىن ابدەن جەتكىلىكتى.

4. اشۋ بويىڭىزدى كەرنەپ بارا جاتسا، تەرەڭ دەم الىڭىز. سودان سوڭ «مەن نە ءۇشىن اشۋلاندىم؟» دەپ سۇراڭىز. قانداي جاعداي بولماسىن، ءبارى ورنىنا كەلەتىنىن ۇمىتپاڭىز. ءسىزدى اشۋلاندىرعىسى كەلگەن ادامنىڭ ماقساتىن ورىنداعىڭىز كەلە مە؟ ءسىزدىڭ اشۋىڭىز وزگەلەردى ريزا ەتەدى. سوندىقتان دۇشپانىڭىزدى قۋانتۋدىڭ ورنىنا، ەموتسيانى بيلەي ءبىلىڭىز.

5. ەگەر ءبىر جاعداي ءسىزدى اشۋلاندىرىپ، ءبىراز كۇن بويى ويىڭىزدان كەتپەي جۇرسە، جۇرتتىڭ مازاسىن الىپ، ءوش الماڭىز. ونىڭ ورنىنا ۆەلوسيپەدپەن سەرۋەنگە شىعىڭىز. نەمەسە جۇگىرىپ، بيلەپ الىڭىز. بەلسەندى سپورتپەن شۇعىلداناتىن بولساڭىز، اشۋ وزدىگىنەن تاراپ، بويىڭىزدى بوساتادى.

 كەز كەلگەن جاعدايدىڭ شەشىمى بار. وسىنى ەستەن شىعارماڭىز.

دەرەككوز: Reactor