بولمە گۇلدەرىنىڭ پايداسى
جاپىراقتارى ۋىتتى زاتتاردى جۇتىپ، اۋانى تازارتادى. ماماندار بۇل گۇلدى، اسىرەسە، اس ۇيدە جانە جاتىن بولمەگە قويۋعا كەڭەس بەرەدى. الا جاپىراقتى حلوروفيتۋمدى جارىق مول تۇسەتىن جەرگە قويۋ كەرەك. ال جاسىل جاپىراقتىسى كولەڭكەدە دە وسە بەرەدى. قۇرعاق، ىستىق اۋادا جاپىراقتارىنىڭ ۇشى قوڭىرقاي تارتىپ، قۋراپ كەتۋى مۇمكىن. سوندىقتان دا سۋ بۇركىپ تۇرۋدى ۇمىتپاعانىڭىز ءجون. بۇل گۇل جازدا ءجيى، قىستا سيرەك سۋعارۋدى قاجەت ەتەدى. ادەمى جاپىراقتىلارعا ارنالعان تىڭايتقىشپەن كوكتەمنەن كۇزگە دەيىن ەكى اپتادا ءبىر رەت قورەكتەندىرۋ قاجەت.
كوبەيتۋ ءادىسى: بۇل گۇلدى بالاپاندارى جانە ءتۇبىن ءبولۋ ارقىلى كوبەيتۋگە بولادى.
حامەدورەيا - پالما اعاشىنىڭ ەڭ ءىرى ءتۇرى. ونىڭ جۇزدەن استام ءتۇرى بار. ماماندار بۇل گۇلدى تاس جولعا جاقىن ماڭدا ورنالاسقان ۇيلەردە وسىرۋگە كەڭەس بەرەدى. ويتكەنى، حامەدورەيا تاس جولدان جانە كولىكتەردەن بولىنەتىن بەنزول، تريحلورەتيلەن سىندى زياندى زاتتاردى جۇتادى. ءۇي جاعدايىندا حامەدورەيانىڭ مەكسيكا مەن گۆاتەمالادا وسەتىن تۇرلەرىن وسىرەدى.
بۇل حامەدورەيانىڭ بيىكتىگى 2 مەتر، ءار ساباعىندا التى- جەتى، قانات ءتارىزدى جاپىراقتارى بولادى. حامەدورەيا ءۇي جاعدايىندا وسىرۋگە وتە ىڭعايلى وسىمدىك، كوپ كۇتىمدى قاجەت ەتپەيدى، ءبىراق باياۋ وسەدى. جاز كەزىندە ونى بالكونعا نەمەسە اۋلاعا شىعارىپ قويۋ قاجەت. تەك وتكىر كۇن ساۋلەسىنەن جانە جەلدەن قورعاۋ كەرەك. جازدا ءجيى، قىستا سيرەك سۋعارىلادى. ناۋرىز- تامىز ايلارىنىڭ ارالىعىندا سۇيىق تىڭايتقىشپەن قورەكتەندىرۋدى ۇمىتپاعايسىز.
كوبەيتۋ ءادىسى: تۇبىنەن وسكىندەر پايدا بولادى. ولاردى ءبولىپ جەكە وتىرعىزادى. نەمەسە تۇقىم ارقىلى كوبەيتىلەدى. ەڭ ءتيىمدىسى، حامەدورەيانىڭ دايىن كوشەتتەرىن ساتىپ الۋ.
ليمون - تسيترۋستار تۇقىمداسىنا جاتاتىن ماڭگى جاسىل اعاش. ونىڭ جابايى ءتۇرى بولمايدى، قولدان وسىرىلەدى. بيىكتىگى 3-7 مەترگە جەتەدى. بۇتاقتارى تىكەنەكتى. جاپىراعىنىڭ جوعارعى ۇشى ۇشكىرلەنگەن، ءپىشىنى جۇمىرتقا ءتارىزدى، شەتتەرى ارا ءتىستى بولىپ كەلەدى. ليمون س دارۋمەنى جانە تەمىر، ەفير مايى، كالتسيي، كالييگە باي. ليموننىڭ جەمىسىن شىرىن جانە ليمون قىشقىلىن الۋعا پايدالانادى. مامانداردىڭ ايتۋىنشا، ليمون جاپىراعىنىڭ 85 ەمدىك قاسيەتى بار ەكەن. ليمون وسەتىن بولمەدە ءتۇرلى باكتەريالار مەن اۋرۋ تۋعىزاتىن تاياقشالار بولمايدى ەكەن. سونداي- اق، ماماندار قان قىسىمى جوعارى ادامدارعا ۇيىندە ليمون وسىرۋگە كەڭەس بەرەدى.
كوبەيتۋ ءادىسى: ليموننىڭ تۇقىمى، قالەمشەسى جانە وركەندەرى ارقىلى كوبەيتۋگە بولادى.
دەرەككوز: Reactor