اقتوبەدەگى «التىن ادام» سارمات تايپاسىنىڭ كوسەمى بولۋى مۇمكىن
ءا. مارعۇلان اتىنداعى ارحەولوگيا ينستيتۋتى اقتوبە وبلىسىنىڭ ەجەلگى تاريحىن زەرتتەۋگە، تاريحي- مادەني مۇراسىن ناسيحاتتاۋعا باعىتتالعان بەس عىلىمي- زەرتتەۋ جوباسىن جۇزەگە اسىردى. سونىڭ ءبىرى - ەرتە كوشپەندىلەردىڭ ەليتالىق ەسكەرتكىشتەرىن ارحەولوگيالىق تۇرعىدا زەرتتەۋ.
«تامىز ايىنان باستاپ ءۇش اي بويى ارحەولوگيالىق زەرتتەۋ جۇرگىزىلدى. تاسقوپا اۋىلىنان بىرەگەي قورىم تابىلىپ، قۇندى دۇنيە تابىلدى. التىن بۇيىمدار كوپ شىقتى. تونالعانىنا قاراماستان جاقسى ساقتالعان ەكەن. قازبا جۇمىسى كەزىندە توپىراعىمەن بىرگە الىندى. الداعى ۋاقىتتا كەشەندى تۇردە جۇرگىزىلەدى. بولجام بويىنشا سارمات تايپاسىنىڭ كوسەمى جەرلەگەن بولۋى مۇمكىن. ەسكەرتكىش ەرتە تەمىر داۋىرىنە جاتادى»، - الكەي مارعۇلان اتىنداعى ارحەولوگيالىق ينستيتۋتتىڭ نۇر - سۇلتان قالالىق فيليال ديرەكتورى تالعات مامەنوۆ.
ارحەولوگتاردىڭ ايتۋىنشا، قورىمدى توناۋ ءجيى كەزدەسەدى. دەگەنمەن بۇل جولى تابىلعان التىن بۇيىمدار عىلىم ءۇشىن جاڭالىق اشۋعا جەتكىلىكتى. «ەسىك قالاسىندا تابىلعان «التىن ادامدا« كەيبىر جادىگەرگە اعاشقا التىن جالاتىلعان بولاتىن. ال تاسقوپادا تابىلعان جادىگەردە تەمىرگە التىن جالاتىلعان»، - عىلىمي قىزمەتكەر دارحان بايتىلەۋوۆ.
ەسكە سالساق، تاسقوپا اۋىلىندا «التىن ادام» تابىلدى. قورىمنىڭ ەرتەرەكتە تونالعانىنا قاراماستان ارحەولوگتار مۇنى سەنساتسيالىق جاڭالىققا بالادى.
اۆتور: التىناي ساعىندىقوۆا