بەس بالا مۇز استىنا ءتۇسىپ كەتتى
«قوستاناي وبلىسى، جەتىقارا قالاسىندا ءۇش بالا توعانعا بارىپ، مۇز استىنا ءتۇسىپ كەتكەن. 1954 -جىلعى ازامات، بالالاردى مۇز استىنان الىپ شىققان. وكىنىشە قاراي، قاتتى ۇسىك شالعان ءۇش بالانىڭ ەكەۋىن قۇتقارۋ مۇمكىن بولمادى. بۇل - جالعىز بولعان قايعىلى جاعداي ەمەس. سولتۇستىك قازاقستان وبلىسىندا دا ەكى بالا مۇز استىنا كەتىپ، ولاردىڭ قاسىنداعى باتىل ادام ولاردى مۇز قۇرساۋىنان الىپ شىققان»، - دەيدى ۆلاديمير بەككەر.
ونىڭ ايتۋىنشا، باستارىن قاۋىپ- قاتەرگە تىگىپ، بالالاردى اجالدان اراشالاپ قالعان ەكى ازامات ماراپاتتالعان.
«مۇز قالىڭدىعى 10-15 س م بولعانشا، ۇستىمەن ءجۇرىپ تاۋەكەل ەتۋگە بولمايدى. 1 - قىركۇيەكتەن بەرى ەلىمىز بويىنشا بالىق اۋلاۋعا كەتكەن 24 ادام سۋعا باتقان. مۇنىڭ ءبارى قاۋىپسىزدىك ەرەجەلەرىن ساقتاماۋ سالدارىنان بولۋدا»، - دەيدى كوميتەت ءتوراعاسى.
ەسكە سالساق، قوستاناي وبلىسىنىڭ ءجىتىقارا قالاسىندا ەكى كىشكەنتاي بالا مۇز استىنا ءتۇسىپ كەتىپ، كوز جۇمعانى تۋرالى حابارلاعان بولاتىنبىز.