+7 (701) 759 90 19
-15 °С : نۇر-سۇلتان
1 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

دۇنيەجۇزىلىك روبوتتار وليمپياداسىنان قازاقستاندىق وقۋشىلار قولا مەدال الدى

12 قاراشا 18:52
:ءبولىسۋ
دۇنيەجۇزىلىك روبوتتار وليمپياداسىنان قازاقستاندىق وقۋشىلار قولا مەدال الدى

الماتى. قازاقپارات - ۆەنگريانىڭ دەر قالاسىندا وتكەن دۇنيەجۇزىلىك روبوتتار وليمپياداسىنان قازاقستاندىق زياتكەرلەر قۇراماسى ءۇشىنشى ورىن الدى.

قولا مەدال يەگەرىنىڭ ءبىرى الماتى قالاسى فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ وقۋشىسى ليۋبوۆ دۋدچەنكو. ول تالدىقورعاندىق قۇرداستارىمەن ءبىر قۇرامادا ونەر كورسەتىپ، شىعارماشىلىق ساناتىندا باق سىناعان بولاتىن، دەپ حابارلايدى قازاقپارات.

«فينالعا جەتۋ ءۇشىن الدىمەن، قالالىق، سوسىن رەسپۋبليكالىق، ودان كەيىن قۇراماعا ەنۋ كەزەڭدەرى بار. وسىنىڭ بارلىعىنان وتكەننەن كەيىن عانا الەمدىك دوداعا اتتانا الاسىڭ. بۇل - ۇلكەن ەڭبەك. تۋرا وسى جارىسقا مەن 8- سىنىپتا دا قاتىستىم. ءبىراق، سوڭىنا دەيىن جەتە الماعان ەدىم. ول كەزدە كوماندامىز رەسپۋبليكالىق كەزەڭنەن Ⅲ ورىن الدى. ەكى جىل بۇرىن رەسپۋبليكا بويىنشا Ⅲ ورىن الساق، ەندى بيىل الەم بويىنشا قولا مەدال يەلەندىك» ، - دەدى ليۋبوۆ دۋدچەنكو.

ونىڭ ايتۋىنشا، كوماندالاستارىمەن قۇراستىرعان روبوت العاشىندا ويىنداعىداي شىقپاي، ءبىراز الاڭداتقان. ءبىراق جارىستىڭ ماسشتابى، ءار ەلدەردەن كەلگەن مىقتى باسەكەلەستەر قازاقستاندىق وقۋشىلاردىڭ جىگەرىن ەسەلەندىرسە كەرەك. حالىقارالىق جارىستىڭ اقتىق مارەسىنە الەمنىڭ 73 ەلىنەن 424 كوماندا قاتىسىپتى.


«كورەيا، جاپونيا، گەرمانيادان كەلگەن كىل مىقتى كوماندالار بولدى. شىنىمدى ايتسام، روبوت قۇراستىرۋعا ارنالعان ءبىرىنشى كۇننىڭ سوڭىندا قاتتى ۋايىمدادىق. سەبەبى، قۇراستىرۋ بارىسىندا قيىندىقتار تۋىپ، قولىمىزدان كەلەر مە ەكەن، ەڭ بولماعاندا ۇزدىك وندىققا ەنسەك ەكەن دەپ ويلادىق. ءبىراق، ەرتەسىندە ءوزىمىزدى جيناقىلاپ، قايتادان ىسكە كىرىستىك. ماراپاتتاۋ سالتاناتىندا ءبىزدى، ەلىمىزدى اتاپ شاقىرعان ءسات بارىنەن ەرەكشە. تۋىمىزدى تىكە ۇستاپ، ساحناعا جۇگىرىپ شىقتىق. ارمانىم - قازاقستاندى الەمگە ايگىلى ەتۋ. اقىرىنداپ ورىندالىپ جاتقانداي» ، - دەدى ليۋبوۆ دۋدچەنكو.


دۇنيەجۇزىلىك روبوتتار وليمپياداسى - 2004 -جىلدان باستاپ 10-21 جاس ارالىعىنداعى وقۋشىلار مەن ستۋدەنتتەر اراسىندا وتەتىن حالىقارالىق جارىس. جىل سايىن وليمپياداعا 2 مىڭنان استام دارىندى بالا قاتىسادى. بيىلعى جارىسقا «اقىلدى قالالار» تاقىرىبى بەكىتىلگەن. قاتىسۋشىلارعا بولاشاقتىڭ قالاسىن قۇرۋداعى جاڭا تۇجىرىمدامالار، يدەيالار مەن تەحنولوگيالار ۇسىنۋ مىندەتتەلگەن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات