قازاقستان مەن قىتاي ازاماتتارىنان قۇرالعان «جاركەنتتىكتەر» قىلمىستىق توبىنىڭ جەتەكشىلەرى ۇستالىپ، سوتتالدى
بۇل جونىندە ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
اتاپ ايتقاندا، ج. بەگىمبەتوۆ ق ر ق ك 28-بابى 3- ءبولىمى ، 194-بابى 4- ءبولىمى 1-تارماعى، 262-بابى 1-بولىمىندە كوزدەلگەن قىلمىستاردى جاساعانى ءۇشىن كىنالى دەپ تانىلىپ، 6 جىل 6 ايعا باس بوستاندىعىنان ايىرىلدى.
م. نيازوۆ جوعارىدا كورسەتىلگەن باپتاردان باسقا، قوسىمشا ق ر ق ك 367-بابى 4-بابى، 392-بابى 1-بابىندا كوزدەلگەن قىلمىستاردى جاساعانى ءۇشىن كىنالى دەپ تانىلىپ، 7 جىل مەرزىمگە سوتتالدى.
ەسكە سالا كەتەيىك، 2015-2016 -جىلدارى ۇ ق ك ورگاندارى كونتراباندامەن، سىرتقى ەكونوميكا قىزمەتىنە قاتىسۋشىلاردان قورقىتىپ اقشا العان، الاياقتىقپەن اينالىسقان قازاقستان مەن قىتاي ازاماتتارىنان تۇراتىن «جاركەنتتىكتەر» ترانسشەكارالىق قىلمىستىق توبىنىڭ جولىن كەسكەن بولاتىن.
2016 -جىلى توپتىڭ 27 مۇشەسى، ونىڭ ىشىندە ولارعا قامقورلىق جاساعان كەدەن قىزمەتىنىڭ لاۋازىمدى ادامدارى ءارتۇرلى مەرزىمگە باس بوستاندىعىنان ايىرىلعان بولاتىن. الايدا ولاردىڭ جەتەكشىلەرى ج. بەگىمبەتوۆ پەن م. نيازوۆ قىلمىستىق قۋدالاۋدان جاسىرىنىپ، ولارعا حالىقارالىق ىزدەۋ جاريالانعان.
2018 -جىلدىڭ قىركۇيەگىندە م. نيازوۆ «ينتەرپول» جەلىسى بويىنشا قىرعىزستاندا ۇستالىپ، قازاقستان رەسپۋبليكاسىنا ەكستراديتسيالاندى. ال ج. بەگىمبەتوۆ 2018 -جىلدىڭ قاراشاسىندا الماتى وبلىسىندا ۇستالدى.