+7 (701) 759 90 19
-13 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

نۇرسۇلتان نازاربايەۆ بيلىك ترانزيتى تۋرالى پىكىر ءبىلدىردى

12 قاراشا 14:58
:ءبولىسۋ
نۇرسۇلتان نازاربايەۆ بيلىك ترانزيتى تۋرالى پىكىر ءبىلدىردى

نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ قازاقستانداعى بيلىكتىڭ اۋىسۋى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«بيلىك ترانزيتى تۋرالى سۇراق ءجيى قويىلىپ ءجۇر. مەنىڭ مانداتىم 2020-جىلدىڭ سوڭىندا اياقتالۋى ءتيىس ەدى، ءبىراق مەن وسىنداي شەشىم قابىلدادىم. نەگە؟ وعان نە سەبەپ بولدى؟ ەڭ الدىمەن، مەن پرەزيدەنت لاۋازىمىن ناعىز تانىمال شاعىمدا قالدىردىم. 2015-جىلى سايلاۋدا مەن %96 داۋىس جينادىم. مەنىڭ كەتكەنىم ءۇشىن حالىق قامىققانىن بىلەمىن. ءبىراق، بۇل بىرەگەي وقيعا ەمەس. ءبىر كەزدەرى دە گولل دە لاۋازىمىنان باس تارتقان، لي كۋان يۋ، ماحاتحير مىرزالار دا ءوزى كەتكەن»، - دەدى نۇرسۇلتان نازاربايەۆ جىل سايىنعى Astana club پانەلدىك وتىرىسىندا.

ول سوۆەت كەزىنەن بەرى قازاقستان باسشىلىعىندا بولعانىن اتاپ ءوتتى.

«1984-جىلى مەنى قازاقستان مينيسترلەرى كەڭەسىنىڭ ءتوراعاسى ەتىپ سايلادى. سودان بەرگى 35 جىلدا – ك س ر و ىدىراۋىنان كەيىنگى اۋىر جىلدار باستان ءوتتى، الىپ مەملەكەت قيرادى. بارلىق بايلانىس ءۇزىلدى، 2 ميلليون ادام جۇمىسسىز قالدى، ەلەكتر قۋاتى جوق، دۇكەندە نان مەن ءسۇت، شۇجىق جوق. مەن قازاقستاندى وسى كۇيىندە قابىلداپ الدىم. بۇل جىلدارى ەل ەكونوميكاسى 20 ەسە كوتەرىلدى، حالىقتىڭ ءال-اۋقاتى 19 ەسە ءوستى. ءبىز الەم كارتاسىندا بولماعان مەملەكەتتى قۇردىق. قازىر بۇل مەملەكەت الەم كارتاسىندا بار جانە قۇرمەت-بەدەلگە يە»، - دەدى ەلباسى.

تۇڭعىش پرەزيدەنت بارلىق شەكارا بويىنشا دوستىق احۋال ورناعانىن جەتكىزدى.

«شەكارانىڭ 14,5 مىڭ شاقىرىم پەريمەترى حاتتالعان، شەكارامىز ايقىندالعان. شەكاراسىز مەملەكەت بولا ما؟ كارتاعا قاراساڭىزدار، سولتۇستىكتە رەسەيمەن 7 مىڭ شاقىرىم ورتاق شەكارامىز بار. شىعىستا قىتايمەن - 1600 شاقىرىم، وڭتۇستىكتە قىرعىزستان، وزبەكستان، تۇركمەنستانمەن - 4 مىڭ شاقىرىم شەكارامىز بار. مۇنداي ورتادا ءبىزدىڭ كوپۆەكتورلى ساياساتىمىز ەشكىمنىڭ اۋماعىنا ەنبەي، تەڭ قارىم-قاتىناس قۇرۋعا نەگىزدەلەدى»، - دەدى ن. نازاربايەۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات