قازاقستاننىڭ شەكارا بويىندا ەشقانداي جاۋى جوق - نۇرسۇلتان نازاربايەۆ
«بۇگىندە قازاقستاننىڭ ءوز شەكاراسىندا ەشقانداي جاۋى جوق. بىزدە تۇتاس دوستىق قارىم-قاتىناس ورناعان. ونىڭ ۇلگىسى - قازاقستان مەن رەسەيدىڭ قارىم-قاتىناسى. قازاقستان مەن قىتاي قاتىناسى دا سەنىمگە نەگىزدەلگەن. ورتالىق ازيا بويىنشا وڭتۇستىك كورشىلەرمەن دە ارامىز تاتۋ. سوندىقتان، ءدال وسى جەرگە الەمدىك ءدىن كوشباسشىلارى جينالا الادى. ا و س ش ك وسىندا قۇرىلدى. سيريا شيەلەنىسى بويىنشا كەلىسسوزدىڭ 10-راۋندى دا وسىندا وتەدى. سەبەبى ولار قازاقستانعا سەنەدى. وسىنىڭ ارقاسىندا مەنىڭ ارالاسۋىممەن رەسەي مەن تۇركيا اراسىنداعى وتكىر شيەلەنىس شەشىلدى»، - دەدى تۇڭعىش پرەزيدەنت.
سونىمەن بىرگە، ەلباسى قازاقستان ەۋروپالىق وداقپەن، ا ق ش- پەن دوستىق قارىم-قاتىناستا ەكەنىن جەتكىزدى. ءتىپتى سولتۇستىك كورەيامەن دە ارادا قاراما-قايشىلىق جوق.
«مۇنداي باعىتتاعى دامۋ قازاقستاننىڭ قالىپتى دامۋىنا جانە ءوز ماسەلەلەرىن شەشۋىنە مۇمكىندىك بەرەدى. قازاقستان اۋقىمدى كۇردەلى تاريحتان شىققان جاس مەملەكەت. ءوز اياعىمىزعا نىق تۇرۋ ءۇشىن، ءوزىمىز قالاعانداي مەملەكەت بولۋ ءۇشىن ءالى كوپ جىل قاجەت»، - دەدى ن. نازاربايەۆ.