+7 (701) 759 90 19
-2 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

الماتى اۋەجايىن كىم ساتىپ الماق - اتامقۇلوۆ جاۋاپ بەردى

12 قاراشا 14:31
:ءبولىسۋ
الماتى اۋەجايىن كىم ساتىپ الماق - اتامقۇلوۆ جاۋاپ بەردى

نۇر-سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ الماتى حالىقارالىق اۋەجايىنىڭ ساتىلاتىنى تۋرالى اقپاراتقا وراي پىكىر ءبىلدىردى، دەپ حابارلايدى قازاقپارات ءتىلشىسى.

«بۇگىندە ءبىر تۇرىك كومپانياسىمەن كەلىسسوز ءجۇرىپ جاتىر. ءدال قازىرگى ساتتە پىكىر بىلدىرە المايمىن. بۇل ازىرشە اياقتالماعان مامىلە سياقتى. الماتى اۋەجايى جەكە كومپانيانىڭ مەنشىگىندە تۇر. سوندىقتان ساتىلىم ءجۇرىپ جاتىر. بىزبەن كەلىسىلۋى ءتيىس ساتتەر بويىنشا ازاماتتىق اۆياتسيا كوميتەتى قاجەتتى پروتسەدۋرالاردى جۇرگىزىپ جاتىر»، - دەدى مينيستر ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.

ونىڭ پايىمىنشا، اۋەجاي ساتىلعاننان كەيىن جولاۋشىلار وڭ وزگەرىستەردى كورە الادى.

«مەنىڭشە، سەرۆيستىك قىزمەت كورسەتۋ ساپاسىن جاقسارتۋ جانە قوسىمشا ينۆەستيتسيا تارتۋ بولىگىندە بۇل جاقسى قادام بولماق. بىلۋىمشە، باسقارۋىندا بىرنەشە اۋەجاي بار كومپانيا كەلەدى. ونىڭ باسقارۋىندا فرانسيادا ەكى اۋەجايى بار سياقتى»، - دەدى بەيبىت اتامقۇلوۆ.

مينيستر الماتى حالىقارالىق اۋەجايى ورتالىق ازياداعى ەڭ ءىرى اۋە قاقپالارىنىڭ ءبىرى سانالاتىنىن باسا ايتتى.

«جولاۋشىلارعا ىڭعايلى بولۋ ءۇشىن جولاۋشىلار تەرمينالدارىن جاڭعىرتىپ، قايتا قالپىنا كەلتىرۋىمىز كەرەك. سەبەبى الماتى اۋەجايى ارقىلى جولاۋشىلار اعىنى جىلدان-جىلعا ارتىپ كەلە جاتىر. بۇعان قوسا، تاياۋدا عانا مينيسترلىكتىڭ ەركىن اشىق اسپان تۋرالى بۇيرىعى شىقتى. بۇل رەيستەردى ارتتىرۋعا سەپتىگىن تيگىزەدى»، - دەدى ول.

ەستەرىڭىزگە سالا كەتسەك، تامىز ايىندا ەلىمىزدىڭ ءبىرقاتار بۇقارالىق اقپارات قۇرالىندا الماتى حالىقارالىق اۋەجايى اكسياسىنىڭ ساتىلۋى مۇمكىن دەگەن اقپارات تاراعان بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات