+7 (701) 759 90 19
-9 °С : نۇر-سۇلتان
1 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلباسى: بومبا ۇستاپ، بارىنەن قورقىپ وتىرعانشا ەلىڭدى دامىتقان ابزال

12 قاراشا 13:57
:ءبولىسۋ
ەلباسى: بومبا ۇستاپ، بارىنەن قورقىپ وتىرعانشا ەلىڭدى دامىتقان ابزال

نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ الەمدىك احۋالعا اسەر ەتىپ وتىرعان يران داعدارىسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ءبىز بۇل ماسەلەنى كوپ تالقىلادىق. بۇل پروبلەماعا قاتىستى ناقتى قازىر جاۋاپ ايتۋ - مەن ءۇشىن وتە قيىن. يرانمەن جاسالعان كەلىسىمنىڭ توقتاپ تۇرعانى وكىنىشتى. ارينە، كەزىندە جاسالعان كەلىسىمنىڭ جويىلماعانىن قالايمىز. ءبارى كەلىستى، مامىلەگە كەلدى - يران ۇسىنىستاردى قابىل الدى. قازاقستان بۇل ىسكە قاتىستى. كەلىسسوز وسىندا وتكىزىلگەن ەدى. يران پرەزيدەنتىمەن دە بىرنەشە رەت كەزدەسىپ، وعان قازاقستاننىڭ سوۆەت داۋىرىنەن كەيىن يادرولىق مەملەكەتكە اينالىپ قالعانىن ايتقان ەدىم. قازاقستاننىڭ ول كەزدە پوليگونى، 1100 وقتۇمسىعى بار 110 يادرولىق زىمىرانى، الىس قاشىقتىققا بەيىمدەلگەن قارۋى بولدى. ت م د بويىنشا ەسەپتەگەندە ونىڭ ءبارىن وزىمىزدىكى دەپ ايتۋعا بولار ەدى»، - دەدى نۇرسۇلتان نازاربايەۆ Astana Club وتىرىسىندا.

ەلباسىنىڭ ايتۋىنشا، قازىر الەمدە 7,5 مىڭ يادرولىق وقتۇمسىق بار.

«سولتۇستىك كورەياعا دا، باسقاسىنا دا ايتارىم - قولعا بومبا ۇستاپ الىپ، بارىنەن قورقىپ وتىرعاننان گورى الەمدىك قاۋىمداستىقتىڭ جاعىمدى نازارىن اۋدارىپ، ينۆەستيتسيا الىپ، ەلدى دامىتقان ابزال. ءوز ەلىڭدى قارۋمەن قورعاپ قالاسىڭ با، الدە قۇرتىپ الاسىڭ با - ەكەۋى ەكى ءتۇرلى نارسە. سول سەبەپتى قازىر ول ماسەلە تىعىرىققا تىرەلدى»، - دەدى ول.

نۇرسۇلتان نازاربايەۆ ءوز سوزىندە يران ماسەلەسىن كەزىندە جەتكىزىلگەن كەلىسسوز نۇكتەسىنە قايتا الىپ كەلۋ كەرەك.

«ەۋروپا ەلدەرى مەن باسقا دا الەمدىك قاۋىمداستىقتار تاراپىنان يرانعا ءتيىستى كەپىل بەرىلۋى ءتيىس. قازىرگىدەي باستىقتىرا بەرمەگەن ابزال. ول - وتە قاۋىپتى قادام. الەمدىك كومىرسۋتەك شيكىزاتىنىڭ، مۇناي قاجەتتىلىگىنىڭ 30 پايىزى ورمۋز بۇعازى ارقىلى وتەدى. تەكەتىرەس بولا قالسا، الەمدىك احۋال قيىنداي تۇسەدى. دەمەك، بۇنىڭ ءبارى - كونفرونتاتسيانىڭ كەسەلى. كەز كەلگەن ماسەلەدە كەلىسسوز كەرەك. كەلىسسوزدەرگە قايتقان ءجون. مەن ءاردايىم وسىعان شاقىرامىن. قازىر ءىرى يادرولىق مەملەكەتتەر كەلىسسوز ۇستەلىندە باس قوسۋى ءتيىس. الەمدىك سوعىستاردىڭ ءبارى دە كەلىسسوزبەن اياقتالعان. ءبىرىنشى دۇنيەجۇزىلىك سوعىستان كەيىن ءىرى دەرجاۆالار ۇلتتار ليگاسىن قۇردى. ەكىنشى دۇنيەجۇزىلىك سوعىستان كەيىن ب ۇ ۇ قۇرىلدى. ياعني، ءبارى كەلىسسوز ارقىلى شەشىلگەن»، - دەدى ول.

ايتا كەتسەك، ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ قاتىسۋىمەن ەلوردادا Astana Club وتىرىسى ءوتىپ جاتىر. كەزەكتى باس قوسۋعا الەمنىڭ 23 مەملەكەتىنەن گەوساياسات، ەكونوميكا مەن حالىقارالىق قاتىناستار سالاسىنىڭ ماڭدايالدى ساراپشىسى رەتىندە مويىندالعان 50 دەن استام حالىقارالىق سپيكەر قاتىسۋدا. قۇرمەتتى مەيمانداردىڭ قاتارىندا - 3 بۇرىنعى مەملەكەت باسشىسى، 5 ەكس-پرەمەر-مينيستر، 10 مينيستر جانە نوبەل سىيلىعىنىڭ لاۋرەاتى بار.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات