سوعىسقا دايىن ەلدەر يادرولىق قارۋدان باس تارتۋ جىگەرىن جوعالتا باستادى - نازاربايەۆ

None
None
نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ ايتۋىنشا، مۇنىڭ ۇلكەن سەبەبى بار، دەپ حابارلايدى قازاقپارات ءتىلشىسى.

«جۋىردا عانا ورتا جانە شاعىن قاشىقتىقتاعى راكەتالاردى جويۋ تۋرالى كەلىسىمنىڭ كۇشىن جويۋى - جاھاندىق ءارى ايماقتىق قاۋىپسىزدىككە جاسالعان ۇلكەن سوققى بولدى. وسى قادام بۇكىل ەۋرازيا اۋماعىندا باقىلانبايتىن ميليتاريزاتسياعا جول بەردى. ءوز كەزەگىندە سوعىسقا دايىن ەلدەر يادرولىق قارۋدان باس تارتۋ جىگەرىن جوعالتۋدا. ولار يادرولىق قارۋدى ءوز قاۋىپسىزدىگى مەن ەگەمەندىگىنىڭ كەپىلى دەپ ءبىلىپ وتىر»، - دەدى نۇرسۇلتان نازاربايەۆ Astana Club وتىرىسىندا.

ەلباسى مۇنىڭ الدىندا ەۋرازياداعى گەوساياسي جاعدايعا اسەرىن تيگىزەتىن قاۋىپ-قاتەردى اتاعان بولاتىن.

ايتا كەتسەك، ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ قاتىسۋىمەن ەلوردادا Astana Club وتىرىسى ءوتىپ جاتىر. كەزەكتى باسقوسۋعا الەمنىڭ 23 مەملەكەتىنەن گەوساياسات، ەكونوميكا مەن حالىقارالىق قاتىناستار سالاسىنىڭ ماڭدايالدى ساراپشىسى رەتىندە مويىندالعان 50 دەن استام حالىقارالىق سپيكەر قاتىسۋدا. قۇرمەتتى مەيمانداردىڭ قاتارىندا - 3 بۇرىنعى مەملەكەت باسشىسى، 5 ەكس- پرەمەر-مينيستر، 10 مينيستر جانە نوبەل سىيلىعىنىڭ لاۋرەاتى بار.

سوڭعى جاڭالىقتار