+7 (701) 759 90 19
-2 °С : نۇر-سۇلتان
0 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

نۇرسۇلتان نازاربايەۆ: تاريح - قاتال ەكزامەناتور

12 قاراشا 11:39
:ءبولىسۋ
نۇرسۇلتان نازاربايەۆ: تاريح - قاتال ەكزامەناتور

نۇر-سۇلتان. قازاقپارات - ءبىر ەلدىڭ نەمەسە ايماقتىڭ عانا ەمەس، تۇتاس ادامزاتتىڭ كەلەشەگى بۇگىنگى ەمتيحاندى قالاي وتكەنىمىزگە بايلانىستى بولماق.

Astana Club وتىرىسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ وسىلاي دەدى، دەپ حابارلايدى قازاقپارات ءتىلشىسى.

«بۇكىل ەۋرازيادا قاۋىپسىزدىك پەن تۇراقتىلىقسىز ەشكىم دە ۇزاق مەرزىمدى دامۋعا قول جەتكىزە المايتىنىن قازاقستان ۇعىپ وتىر. سول سەبەپتى بۇگىنگى جاعدايدا قۇرلىقتاعى بارلىق ەلدەر تار ايماقشىلىققا، بلوكتىق ويلامعا بەرىلمەي، ەۋرازيالىق اۋقىمدى ساناتتا ويلانۋى ءتيىس. تەك وسىلاي عانا ەۋرازيالىق سۋبقۇرلىق وزىنە ءتان الەۋەتتى ىسكە اسىرا الادى. ءدال وسى رەتتە ءبىزدىڭ كلۋب ۇلكەن ەۋرازيا اتتى جاڭا گەوساياي قۇرىلىمدا ءبىرىڭعاي الاڭ بولىپ وتىرعانى قۋانتادى»، - دەدى نۇرسۇلتان نازاربايەۆ Astana Club وتىرىسىندا.

ەلباسى ايگىلى ويشىل ارنولد توينبيدىڭ ءسوزىن كەلتىردى.

«تاريحتىڭ سىن-تەگەۋرىنىنە قارسى تاپقان جاۋاپتارىنا قاراي ءاربىر قوعام دامىپ، جەڭىپ كەلەدى. تاريح - قاتال ەكزامەناتور. كوپ ەل بۇرىس نەمەسە ورىنسىز ارەكەتى ءۇشىن جاۋاپ بەرگەن. ءبىر ەلدىڭ نەمەسە ايماقتىڭ عانا ەمەس، تۇتاس ادامزاتتىڭ كەلەشەگى بۇگىنگى سىناقتى قالاي وتكەنىمىزگە بايلانىستى بولماق. تەك كۇش بىرىكتىرۋ ارقىلى عانا جاڭا قاۋىپتەر مەن تەگەۋرىندەرگە قارسى تۇرا الامىز»، - دەدى نۇرسۇلتان نازاربايەۆ.

ايتا كەتسەك، ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ قاتىسۋىمەن ەلوردادا Astana Club وتىرىسى ءوتىپ جاتىر. كەزەكتى باسقوسۋعا الەمنىڭ 23 مەملەكەتىنەن گەوساياسات، ەكونوميكا مەن حالىقارالىق قاتىناستار سالاسىنىڭ ماڭدايالدى ساراپشىسى رەتىندە مويىندالعان 50 دەن استام حالىقارالىق سپيكەر قاتىسۋدا. قۇرمەتتى مەيمانداردىڭ قاتارىندا - 3 بۇرىنعى مەملەكەت باسشىسى، 5 ەكس- پرەمەر-مينيستر، 10 مينيستر جانە نوبەل سىيلىعىنىڭ لاۋرەاتى بار.


باستى سوزدەر: ئقپالداستئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات