+7 (701) 759 90 19
-19 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

نۇرسۇلتان نازاربايەۆتىڭ قاتىسۋىمەن «استانا كلۋبى» پلەنارلىق وتىرىسى باستالدى

12 قاراشا 10:19
:ءبولىسۋ
نۇرسۇلتان نازاربايەۆتىڭ قاتىسۋىمەن «استانا كلۋبى» پلەنارلىق وتىرىسى باستالدى

نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ قاتىسۋىمەن ەلوردادا Astana Club پلەنارلىق وتىرىسى باستالدى، دەپ حابارلايدى قازاقپارات.

11-12- قاراشا كۇندەرى «نازاربايەۆ ورتالىعىندا» الەمنىڭ جەتەكشى ديپلوماتتارى مەن ساياساتكەرلەرىنىڭ جانە ساراپشىلارىنىڭ باسىن قوساتىن Astana Club بەسىنشى وتىرىسى وتۋدە. مەرەيتويلىق وتىرىس تاقىرىبى «ۇلكەن ەۋرازيا: جاھاندىق ىنتىماقتاستىقتىڭ جاڭا قۇرىلىمى جولىندا» دەپ اتالادى. كلۋبتىڭ ساراپتامالىق تالقىلاۋىنا ا ق ش، قىتاي جانە رەسەي اراسىنداعى قىرعي-قاباقتىڭ ۋشىعۋى، ساۋدا پروتەكتسيونيزمى مەن پوپۋليستىك كوڭىل- كۇيدىڭ ارتۋى، سونداي-اق يران مەن سولتۇستىك كورەيا توڭىرەگىندە جاڭا شيەلەنىستەردىڭ بوي كورسەتۋى ماسەلەلەرى ارقاۋ بولماق.

كەزەكتى باس قوسۋعا الەمنىڭ 23 مەملەكەتىنەن گەوساياسات، ەكونوميكا مەن حالىقارالىق قاتىناستار سالاسىنىڭ ماڭدايالدى ساراپشىسى رەتىندە مويىندالعان 50 دەن استام حالىقارالىق سپيكەر قاتىسادى. قۇرمەتتى مەيمانداردىڭ قاتارىندا - 3 بۇرىنعى مەملەكەت باسشىسى، 5 ەكس-پرەمەر-مينيستر، 10 مينيستر جانە نوبەل سىيلىعىنىڭ لاۋرەاتى بار.

فورۋمعا قاتىساتىن ساراپشىلاردىڭ گەوگرافياسى كەڭ. اتاپ ايتساق، ا ق ش، يسپانيا، يتاليا، رەسەي، جاپونيا، سەربيا، اۋستريا، نورۆەگيا، قىتاي، ءۇندىستان، بەلگيا، اۋعانستان، شۆەتسيا، پورتۋگاليا، وڭتۇستىك كورەيا، ەگيپەت، بانگلادەش، سلوۆەنيا، قىرعىزستان، يران، ۇلى بريتانيا، پاكىستان ەلدەرى بار.

«استانا كلۋبى» وتىرىستارىنىڭ ءبىر بولىگى «Chatham house» ەرەجەلەرىنە ساي وتەدى. بۇل دەگەنىمىز تالقىلاۋ جابىق سيپاتتا وتەدى جانە ەۋرازيا مەن الەمنىڭ ەڭ وزەكتى ماسەلەلەرىنىڭ وتكىر ءارى اشىق تالقىلانۋىنا مۇمكىندىك بەرەدى.

بۇعان دەيىن Astana Club ساراپشىلارى ەۋرازيانىڭ باستى 10 سىن-قاتەرىن جاريالاعان ەدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات