+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

قازاق كۇرەسىنەن قازاقستان چەمپيوناتى باستالدى

12 قاراشا 08:59
:ءبولىسۋ
قازاق كۇرەسىنەن قازاقستان چەمپيوناتى باستالدى

قىزىلوردا. قازاقپارات - قىزىلوردادا جىگىتتەر مەن قىزدار اراسىندا قازاق كۇرەسىنەن قازاقستان چەمپيوناتى باستالدى، دەپ حابارلايدى قازاقپارات ءتىلشىسى.

ءدۇبىرلى دوداعا ەلىمىزدىڭ نۇر-سۇلتان، الماتى، شىمكەنت قالالارى مەن ەلىمىزدىڭ بارلىق وبلىسىنان 500 گە جۋىق بالۋان كەلدى. ولار 16 سالماق دارەجەسىندە شەبەرلىك بايقاسادى.

چەمپيونات قازاقستان ۇلتتىق قۇراما ساپىنا ىرىكتەۋ ماقساتىندا وتكىزىلىپ جاتىر. جەڭىمپازدار كەلەر جىلى وتەتىن الەم جانە ازيا چەمپيوناتتارىندا ەل نامىسىن قورعايتىن بولادى.

جارىستىڭ سالتاناتتى اشىلۋىندا وبلىس اكىمىنىڭ ورىنباسارى ناۋرىزباي بايقاداموۆ جانە قازاقستان رەسپۋبليكاسى اقپارات جانە قوعامدىق دامۋ ءمينيسترى، قازاقستان رەسپۋبليكاسى قازاق كۇرەسى فەدەراتسياسىنىڭ پرەزيدەنتى داۋرەن ابايەۆ ءسوز سويلەپ، قاتىسۋشىلارعا ساتتىلىك تىلەدى.

جارىستىڭ العاشقى كۇنىندە بالۋاندار 90، 100، 100 كەلىدەن جوعارى سالماقتا سىنعا ءتۇستى. ناتيجەسىندە 90 كەلىدە الماتى قالاسىنان كەلگەن ايبول ايتبەكتىڭ جاۋىرىن جەرگە تيگىزگەن جامبىلدىق ايبول ايتبەك جەڭىمپاز اتانسا، اتىراۋلىق سۇڭعات زاكاريايەۆ پەن اقتوبەلىك ادىلەت مىسين ۇزدىك ۇشتىكتى تۇيىندەدى. ال 100 كەلىدە مۇحيت تۇرسىنوۆ اقتىق سىندا قىزىلوردالىق نۇرىم سالىمگەرەيەۆتەن ايلاسىن اسىرىپ، التىننان القا تاقتى. ءۇشىنشى ورىن اتىراۋلىق ارمان قاليەۆ پەن قاراعاندىلىق ەرقانات مولداعۇلوۆقا بۇيىردى.

ال 100 كەلىدەن جوعارى سالماقتا جامبىلدىق عالىمجان قىرىقبايعا تەڭ كەلەتىن ەشكىم بولعان جوق. ەكىنشى ورىن شىعىس قازاقستاننان كەلگەن ايبەك نۇعىماروۆقا بۇيىرسا، قىزىلوردالىق ماقسات يساعابىلوۆ پەن ماڭعىستاۋلىق نۇرداۋلەت جارىلعاپوۆ يە بولدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات