قاراعاندى وبلىسىندا سايات قۇسىن سالاتىن ۇزدىك باپكەرلەر انىقتالدى

None
None
قاراعاندى. قازاقپارات - «ۇلى دالا مۇراسى» اتتى سايات قۇستارى جانە يتپەن اڭ اۋلاۋ بويىنشا حالىقارالىق تۋرنيرىنىڭ ناتيجەلەرى بەلگىلى بولدى، دەپ حابارلايدى قازاقپارات وبلىس اكىمدىگىنە سىلتەمە جاساپ.

بايقاۋدىڭ جۇلدە قورى - 2,5 ميلليون تەڭگە. تۋرنيردىڭ قورىتىندىسى بويىنشا ەڭ ۇزدىك بۇركىتشى جامبىل وبلىسىنان كەلگەن سەرىكبولسىن جالعاس ۇلى بولدى. ەكىنشى ورىندى اتىراۋ وبلىسىنان ارمان قوشقاروۆ يەلەندى. ۇزدىك ۇشتىكتى نۇر-سۇلتان قالاسىنىڭ تۇرعىنى سەرىكبەك كۇنتۋعان تۇيىندەدى.

ۇزدىك سۇڭقار سالۋشى اڭشى اتاعى الماتى وبلىسىنان كەلگەن مەدەت شالىپوۆكە بەرىلدى. بۇل نوميناتسيادا قىرعىزستاننان كەلگەن تۇگەلباي ءابدىقادىروۆ كۇمىس جۇلدەنى يەلەندى. ال ءۇشىنشى ورىن اتىراۋ وبلىسىنىڭ تۇرعىنى ەراسىل سەرىكبەككە بۇيىردى.

ەڭ جىلدام قارشىعالار قىرعىزستاننان كەلگەن ءابدىراسۇل قۋاتوۆ، ماڭعىستاۋ وبلىسىنان ەرجان ساحارباي جانە جامبىل وبلىسىنىڭ تۇرعىنى بەرىكبولسىن باباجاندىكى بولدى. ءبىرىنشى ورىندى پاۆلودار وبلىسىنىڭ تۇرعىنى بەكبولات ىسقاقوۆ يەلەندى.

ەستەرىڭىزگە سالا كەتەيىك، جارىس شەت اۋدانىنداعى اقسۋ- ايۋلى كەنتىنىڭ ماڭىندا ءوتتى. جەڭىسكە جەتۋ ءۇشىن ۇلتتىق سپورتشىلار 8 جانە 9 -قاراشا كۇندەرى باق سىناستى.

ەسكە سالا كەتسەك، بايقاۋ قاراعاندى وبلىسىنىڭ اقسۋ- ايۋلى كەنتىنىڭ ماڭىندا وتكىزىلدى. ءىس-شارا ساكەن سەيفۋلليننىڭ 125 جىلدىعىنا ورايلاستىرىلعان جانە «رۋحاني جاڭعىرۋ» باعدارلاماسىنىڭ اياسىندا ۇيىمداستىرىلدى.

سوڭعى جاڭالىقتار