+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

اقتوبەلىك وقۋشى تۇركيادان جەڭىسپەن ورالدى

12 قاراشا 07:31
:ءبولىسۋ
اقتوبەلىك وقۋشى تۇركيادان جەڭىسپەن ورالدى

اقتوبە. قازاقپارات - اقتوبە قالاسىنداعى نازاربايەۆ زياتكەرلىك مەكتەبىنىڭ 9-سىنىپ وقۋشىسى سانجار حاميت انتاليادا وتكەن حالىقارالىق ءپان وليمپياداسىنىڭ جەڭىمپازى اتاندى، دەپ حابارلايدى قازاقپارات ءتىلشىسى.

سانجار حاميت گەوگرافيا پانىنەن 1 - ورىن، اعىلشىن تىلىنەن 3-ورىندى يەلەندى.

«سانجار حاميت 7- سىنىپتا وقىپ جۇرگەندە اعىلشىن ءتىلىن جەتىك بىلەتىنىن بايقاعان بولاتىنمىن. سودان ونى مەكتەپ وليمپياداسىنا دايىندالۋعا شاقىردىم. ول ءبىرىنشى ورىنعا يە بولدى جانە جەڭىس جولى وسىلاي باستالدى»، - دەدى زياتكەرلىك مەكتەپتىڭ اعىلشىن ءتىلى مۇعالىمى جاننا باكيرشينوۆا.

تۇركيادا وتكەن وليمپيادا ەكى بولىمنەن تۇردى. ولار تەستىلەۋ جانە ءپان مەن تۋريزم بويىنشا پراكتيكالىق كەزەڭ. سانجار حاميت گەوگرافيا وليمپياداسىنىڭ 160 قاتىسۋشىسىنىڭ ىشىنەن وزا شىقتى.

«وليمپيادالاردىڭ ارقاسىندا ءوزىن-ءوزى دامىتۋعا دەگەن قىزىعۋشىلىق پايدا بولدى. انتالياداعى جەڭىستەن كەيىن مەن ءوزىمدى ءارتۇرلى باعىتتا سىناپ كورگەنىم بەكەر ەمەس ەكەنىن ءتۇسىندىم. ەندى جاڭا بەلەستەردى باعىندىرۋعا تىرىسامىن»، - دەدى 9- سىنىپ وقۋشىسى س. حاميت. وليمپياداعا جالپى ءبىلىم بەرەتىن مەكتەپتەردىڭ باستاۋىش، ورتا جانە جوعارعى سىنىپ وقۋشىلارى، تۇركيادان، رەسەي فەدەراتسياسىنان جانە باسقا ت م د ەلدەرىنەن كەلگەن ورتا كاسىپتىك ءبىلىم بەرۋ ورىندارىنىڭ ستۋدەنتتەرى قاتىستى.


باستى سوزدەر: قوعام, ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات